كل منا يحمل بذاكرته تلك الامثال العربية
التي اكتسبها من والداه او اجداده
او سمعها من اصدقائه صدفة
تعالوا نتشارك امثالنا الشعبية

يا حافر حفرة السوء احفر على قياسك،
بكره الدنيا بتلف وتدور وبتوقع
فيها على راسك
...

من تغرّب ضاع , ومن رهن باع , ومن تقاعس جاع .

تسلم ايدك شوشو
موضوع مميز كعادتك
انتى منبع الروعة و الجمال

اللي بياكل من صحن غيره لا يشبع .

متصفح جميل بما حوى
راقي بفائدته واهدافه
يسلموا الايادي شايو التالق
يعطيك الف عافية
ودام عطاءك
مودتي.

الي يحبني ما بنى لي قصر..
والي يكرهني ماحفر لي قبر.

ما نقطع واد حتى تبان حجاره
وما نمشي في الليل حتى يطلع نهاره
وما نصاحب الصديق حتى نعرف اخباره

تفاعل جميل اخواتي الغاليات

" خذي المليح و ظبيه و خلي الاهبل لغيرك تنبلي فيه "

خُد النعناعة وشمها
وخٌد البنت علي سمعة أمها

المرأة راس مالها صحتها
لاراجل يشفع ولاولد ينفع


الدنيا وقت الضيق توريك
مين يبيعك ومين يشتريك

ناس من لحمك ودمك باعوك
ماتلوم اللي امبارح عرفوك


خايفة أهزك ياغربالي
يطيح منك كل عزيز وغالي

حاجة ما تدوم كي مشات الضحكة تمشي الهموم

الرجال تعرف الرجال والخيل تعرف فرسانها

الي باعك بالفول ...
بيعه بقشوره.

زواج ليلة تدبيرته عام

الي فاتك بالزين فوتو بالنظافة واللي فاتك بالفهامة فوتو بالضرافة

" برا الدار شحرور و جوا الدار دبور "

الناس معاك على قد ما معاك،
و بس يخلص اللي معاك
الله معاك.

" لما يخلص عنبك وتينك ، كل الناس بيصيروا عدوينك......!!"

ابو البنات .. نام شبعان ودفيان
وابو الاولاد .. نام بردان وجوعان

حط كلب يحمي دارك
وقط يوكل الفأر بدارك
ولا تعطي شخص أسرارك

الباب اللي يزود همك
سِدُه ولا تحرِق دَمَك

اللي بيكرهك وبيحبك وقت ما بده
انهي علاقتك فيه والله لا يرده

بعض البشر مثل البصل
قشرة ورا قشرة
وابكي يا قلبي على ضياع العشرة

قالت الأمثال....

أبو البنات شايل على كتافه حسنات.


اجريها عوج،وبدها بابوج .


فكرناهم رخاص،طلعوا مجانا.


عشنا وشفنا ،وماظل اشي يدهشنا .



الزين في بناتنا سلالة ،من العمة للخالة.


اللي بطلع من داره . بينقّل مقداره.


عشرة الناس، بتتعب الرأس.


بكرة بيدوب الثلج ، وببان المرج

قالت ستي الله يرحمها:
في ناس بتطبخ رفع عتب.....
وفي ناس طبخها بورجيك العجب.....
وفي ناس نكهة الحب على طبخها غلب.....
وفي ناس بتتفنن وترتب لدرجة اظ•نك تقول وااااو ياللعجب.....
من روعة طبخهم بيتقدم للملوك واعالي الرتب.....
ناس سفرتها بسيطه وناس ملاعقها من ذهب.....
وكلمة تسلم اظ”يديكي بتنسيكي كل التعب.....
اذا اجى الدهر معك ... واحد بيعزمك وواحد بيحلف عليك .....
واذا اجى الدهر عليك .... واحد بيدفشك وواحد بيوقع عليك .....
قالت ستي : في ناس بحياتنا #عزوة_وسند
وفي ناس بحياتنا #كمالة عدد وفي ناس ما إلها أساس
وفي ناس بضهرك #بتحاااارب_بلد "��
قالت ستي ..
من الخسة طعماني ورقة. ومن الجاجة شربني المرقة ...
قالت ستي ..
ياريت هالبيت يضل مفتوح والحبايب تجي وتروح ...
قالت ستي ..
يا بيت صبحناك يا بيت مسيناك يا بيت لا تؤاخذنا اليوم مازرناك ...
قالت ستي ..
في ناس مناح ومافي منهن
وفي ناس منيح يلي مافي منهن ...
قالت ستي ..
بنت الرجال عانت واستعانت وبنت الاندال حطت راسها ونامت ...
قالت ستي ..
اللي ما بينطاق دواه الفراق ...
قالت ستي ..
المونة بدها ركونة مابدها مرا مجنونة ...
قالت ستي ..
في ناس محتاجين لعمليات تجميل. شفط حقد .وزرع مخ .وتبيض قلب. وإصلاح نية وإستئصال لسااان ...
قالت ستي ..
ماكل شخص بيحكي فهيم ولا كل شخص بيسكت بهيم ...
قالت ستي ..
طالما الجيبة عمرانة الصحاب كترانة ...
قالت ستي ..
اذا قلتلك تقبرني لا تحفر وتطمرني ...
قالت ستي ..
العشرة يلي هانت ياريتها ماكانت ..

ما بتاكل الكف الساخن
الا من اللي بقلبك ساكن

ناس بتاخذك لفوق وبتعلي ،
وناس بتشوفها بتصيبك العله ،
وناس مثل البزر رخيصه وبتسلي ..

على قولة المثل
البنت عيرة والكِنة ذخيرة

لا محبتهم تبنيلي قصر
ولا كرههم يحفرلي قبر

بنت الفارة حفارة

اقتباس:



المشاركة الأصلية كتبت بواسطة شايان https://www.skoon-elqmar.com/vb/SKOON2021/buttons/viewpost.gif (https://www.skoon-elqmar.com/vb/showthread.php?p=615883#post615883)
بنت الفارة حفارة


عندنا نقول

ابن الفار حفار
هههه

جا يعاونو في قبر امو
هربلو بالفاس

يا مربي ولاد الناس
يا داق الماء في المهراس

من امثالنا الفلسطينية المشهورة

الله يكفينا شر من رحب فينا وهلا
ومن ورانا حكى علينا وما خلا

_







سلمت على روعه طرحك
نترقب المزيد من جديدك الرائع
دمت ودام لنا روعه مواضيعك
لكـ خالص احترامي
.
.