قـــدّر الله وأفترقنـا .. ويمكـن إنــه لـلأبـد
والمفارق .. والله إنـه والله إنـه بالغصيبـه !!

( قصة الفرقا ) غريبة .. ما أعتقد تطـري لأحـد
والسبب مدري !! ولكن يا نصيبي يـا نصيبـه !!

حسبي الله .. كان فرقانـا تحـت عيـن الحسـد
و حسبي الله من تسبب بين محبـوب وحبيبـه !!

حالف إني ما أخون .. و حالف إنـي مـا أصـد
و المصيبه كيف خلاني !! هنا أصـل المصيبـه !!

أعترف يومي تركته .. وأعتـرف خنـت العهـد
وأدري إن له عزة ٍ بالنفـس عيّـت لا تجيبـه !!

افترقنـا و يعلـم الله .. لا حصـدت ولا حـصـد
غير هم ٍ بالحنايا .. و غير غـم ٍ يقتفـي بـه !!

أفترقنـا .. ولا هنـت عيـن ٍ ولا جفـن ٍ رقـد
غير دمع ٍ لا ذرفته .. جابت عيونـي سريبـه !!

كنت أحبه مـن ثـلاث سنيـن .. وآحبـه بعـد
من ثلاث سنين غالي .. والغلا مافيـه ريبـه !!

علموه إنـي خطيـت .. ولا بقـى فينـي جَهـدْ
ولا بقى ذرة صبر فيني على الفرقـا الصعيبـه !!

علموه إن الخطـا بالغصـب مـا هـو بالعَمـد
شئ ٍ اجبرني على الفرقـا وفرّقنـا غصيبـه !!

و علموه إنـي بعـد فرقـاه عايـش فـي نكـد
كان يعرف جرح قلبي .. كان يعرف وش طبيبه !!

علمـوه وعلـمـوه ولا ادري والله وش بـعـد
غير ابي منه السموحه .. جعل عيني تهني به !!

https://upload.3dlat.com/uploads/3dlat.net_05_15_468d_916078.gif

أســــعدني تـــواجــدكم وشرفني مروركم
حفظكم الباري ورعاكم
ودي وأحـتــرامي

طرحَ عَذب ..!!
أختيآر أنيق وحضور صآخب
سلة من الوردَ وآنحناءة شكر لسموك

أســــعدني تـــواجــدكم وشرفني مروركم
حفظكم الباري ورعاكم
ودي وأحـتــرامي

كل الشكر لك ع عطائك ..
ودام ابداعك ..

شكراً لمرروكم الذي عطر المكان
دمتم بكل خير