‏أنا رفيق اللي :
‏"صريحٍ بوجهي يحترمني ليا صديت
‏ ليا ضاقت الدنيا علي .. مااا يخليني"

يا هلا بك ولا تطري الوداع.... عش معي لحظة الفرحة حبيبي
عمرنا اليوم والباقي ضياع.... تصبح الأرض في قربك وساع

انا

‏أستظلّه وإن بغاني : صرت ظلّه
‏دنيتي رحبة مدااااااامه هو فيها
‏م…¤
‏ما حسدت من الكلام بعمري إلا
‏" كل كلمة شدّد لسانه عليهااا "

انا

‏مثل ريحٍ توّلع في صحبه سفينه
‏عاش يرعى بحرها و يدّف موجه.

قضيت عمري وانا ازرع
حنانك كان لي منبع
ويوم زرعي بدأ يطلع
جيت انت وقطعت الماي

انا

‏اعشق الطيب و احبه و اعده لي رفيق
‏و الردي لا من تردى ، على نفسه رداه

انا

اشره على اللي له بالطيب منزال
اما الردي ليمن تردى ماعلي منه

انا

منكسر بي شي لاكني بخير
‏عزتي ترقى سما رغم الكسر

امشي واتبع حلمي من يوم انا صغير
وصابني خير واختلط معاه شي عسر
وان نشدتوني انا بخير لامـــــاني بخير
كيف بخير وانا من صغري خاطري منكسر

انا

‏يشدني الثقيل اللي محد يطوله
‏وينعاف السبيل اللي كلن يذوقه

حاسبيني كان حبي لك خـــــطيه
وغلطتي بحبك اغلا الخــــــطايا

يـــاوردتي يــــازهرتي الـــــنديه
صدقيني وين ماروح انتي معايا

انا

‏الهدوء النفسي وضحكي وزين اخلاقي
‏لا تغرّك تحسب إني فـ الحياه مرفّه.

من تطري الوداع تضيع مني انفاسي
كيف تروح وماللمـــوادع اي سبه
وانا احبك وبطبعي حيل حيل حساسي
وحتى العناد بس منك صرت احبه


‏

‏أنا الفاضي اللي متعبه باله المشغول
‏وأنا راعي المستقبل اللي من الماضي !

خلك بذكر الله دوم مشغول
وفكر بالمستقبل واترك الماضي
وان ضاقك الدنيافيه عدة حلول
وماكل شي نحله بالتـــــراضي

الله عليك حروفك ذهب اي بالله

.....

انا

يمكن اخونك مع حزن .. مع قصيدة
‏أنا اكبر ، من اني اخونك مع انسان !

مارضيت لك الحزن يانبع القصيده
ولارضيت في يوم يهزمك انسان
من يحبك انتي معاه في وريده
وماجزاء الاحسان الا الاحســـــان
دنيا الناس غير ودنيــــاك جديده
دنيا خلقها الله واهداك الامان
ياعسى فالك في كل يوم سعيده
وياعسى يهجرك الواشي والاحزان

امام هالجمال يحق لي الصمت

....


رويت الليل دمع ولا طلع للصبح به غرّة
‏أعَزف الذكريات رحلة الماضي تغنيني !

‏أنا اللي رغم كل اللي حصل له ما ظهر شرّه
‏أنا اللي جيت للدنيا كبير وطحت من عيني

تمنيت لقلبك كل شي يسره
وانا ادعو الله هل دمع عيني
هذا الزمان الله يكفينا شره
كل مابعدت عنه صار يجاريني

‏تتسابق الناس في سمع الحقيقه إذا :
‏شافوها تخدم مصالحهم و رغباتها ..

‏هربت منهم .. و لاحقني وراهم أذى
‏و سكرت سمعي عن الناس و تفاهاتها

‏شديت حيلي بكم حاجه مفيدة .. لذا
‏صرت أجمل من القصايد و انكساراتها

‏إن قالوا ليه بـِ غيابك مستمره كذا ؟
‏بقول : في زحمة الدنيا و ملذاتها ..

وصــــف قلـــــبك مـــثل من وصــف
كبير يـــحمـــل عـــــــلامات الــوفــا

نصف عمري معــاه وبقــالي نصــف
تعلى بالعــالي وعــانـق الســـمـــا

يصرف هموم القلب وعني انصــرف
يتذكر المحبــوب اللي حــبه سطـــا

‏المسافه عاثت بـ قلبي و سوّت ..
‏ما تجي الدنيا مثل ما نشتهيها

‏الشّعور اللي مخبيته : يموّت
‏شوف عيني وش كثرْ فيها و فيها !

‏سالت الأرض و مشاعرهم تروّت ،
‏( ليه أنا اللي ماحدٍ يسأل عليها ) ؟

ماعلينا من المسافه لوسوت ماسوت
عهدٍ علي نمشيها ونطويها
لوفي قلوبنا عاثت وكوت
لابد مايجي يوم واحنا نكويها
ظلمها كبير ولامره تروت
مسرعه بجحافلها وماعليها
ليتها يوم سرعت تطوت
كان من بعض الحنان نرويها

صح لسانك والله ع هالابيات
ما اجملها

..


‏من سبيل اهماله و ناتج مزاجه
‏يوم شاف الحب رغبات و ميول

‏نفترق بالجرح أحسن من علاجه
‏الجروح أحيان حل من الحلول

‏و لو يبينا انتواجه .. بـ نتواجه
‏بس يعْرِف وش يقول و ما يقول ؟

‏و لو يقول لْـ نفترض مليون حاجه
‏ما لـِ أعذاره على قلبي قبول ..

الحب ماهو بمزاجي اوبمزاجه
الحب بذره في القلب معها ميول
وجرح الفراق ماينفـــــع علاجه
لوكان احيان حل من ضمن الحلول
واحيان المحبه تتجدد بالتواجه
وينتهي العتب بماتقول واقول
والحاجه لكلمة حب عن مليون حاجه
ومانرفضه امس اليوم يتم القبول
لو انكسرت القلوب مثل الزجاجه
تصير مثل الشمس لوآلت للافول

الله الله ي نهيان
اتعبت من بعدك والله
استمر

.....

‏مات ألشِّعر لو كان فرعن لك ألبوح
‏بحر الشعر غارق وانا فيك غارق !
‏,
‏بالحب .. لانسأل على وين بنروح !
‏الـ ( وين ) معناها : متى بنتفارق؟

حققت حلم السنين و شوفني توّي
‏و لقيتني في بعادك أضعف انسانه
‏ظ°
‏أحياناً الشخص ما يدري وش يسوي
‏لا صارت افراح عمره سبّةْ أحزانه

وش اسوي دامني لقيت الحب توي
لقيت انســـــــانه ماهي اي انســــانه
ومن مثلي حبها بالله ايش يسوي
والقلب اللي حبها راحت كل احزانه
والله حبي على حبها حيل امتلوي
كلها رقه وجمال وهيبه وتكـــــــانه

‏بدد ظلام الياس .. وايام الشقى
‏نوّر لي الليل .. وتهادى .. امنيه
‏،
‏علمني بـ كل اللي بـ صمتك بقى
‏مرر لي احساسك معَ لحن اغنيه ..

لاتنشديني ياهبوب اخرالليل
ليش السهر دايم تحبه عيوني
حبيت محسب في المحبه تهاويل
حسبي عليهم ليتهم ماولعوني
ماراعوا الصحبه نسوا كل ماقيل
واليوم في بحور الهوى غرقوني

‏أبشرك ما عاد أنا مشتاق
‏عمر المحبة مابها .. منه
‏م…¤م…¤م…¤م…¤م…¤
‏متساوية عندي زعل وفراق
‏والمقفي قلبي ما نشد عنه
‏م…¤م…¤م…¤م…¤م…¤
‏وإن قلت لي زعلان، بالطقاق
‏رضاك مايدخلني .. الجنّة

لاوالله انا حيل مشــتاق
والمواصل مني بلامنــــه
ومن يحب لايطري فـراق
ومن زعل لاتنشدني عنه
ترى والله البــــــعد حراق
والمواصل سبب دخول الجنه

الله الله ي مبدع
صح والله لسانك


.....



‏أكبر خطاياي جيت الحب متحدّي
‏و رجعت أسمّي على قلبي من الراعه
‏ظ“
‏حبّيت بس البلاااا حبّيت من جدّي
‏و الحب ما ياخذه الإنسان بذراعه
‏ظ“
‏ما فادني طيب أبوي ولا فعل جدّي
‏مع ولد شيخٍ له السمع وله الطاعة

عرفت الحب ماينفع فيه التحدي
الحب يبحر في القلب ويفل شراعه
يوم كنت احسبه بين هزلي وجدي
وماحد ياخذه بسلاحه وبذراعه
غزى كثير قلوب ومحدٍقدر يصدي
ومن غزاه يبدي له السمع والطاعه
شل العقل والقلب وفقدت انا رشدي
عرفت اني للمواجه ماعندي استطاعه

الله عليك وعلى حرفك نهيان
صح لسانك

....


‏ضحكاتي اللي كنت منْها و فيها ..
‏خبري بها راحت و لا عاد ردّت ..

‏اذكرني اللي كنت تشفق عليها ..
‏اللي وفت في عشرتك ما تردّت ..

ابتسم وخل الحزن عنك خل
خل الفرح يعانق اشـــــفاتك

اشفاتك خلها بالفرح تستظل
تستظل لين تنسى كل اهاتك

اهاتك خلها من قلــــبك تسل
تسل منه وتنزرع ضحــكاتك

‏احس بـ ضيق.. وأهرب للشعر ..وأزعل
‏اذا اتذكّرت عمرك مرّ وآنا ابيه

‏انا اولى به من النسّاي و المهمل
‏انا اشعر به وكنّي أمسكه بيديه