|
فديتك يا بعد كل البشر و الناس و الأصحاب فديتك ياللي في قربك أحس الدنيا بـ يديني تغيب الناس عن عيني وشخصك يالغلآ ماغاب أشوفك وين ما أمشي و طيفك ساكن بـ عيني أحبك و المحبه جت من الله و مالها أسباب لقيتك تجري في دمي و تسكن في شراييني |
قل للمساء .اللي على طلتك طل
ياخذ من المساءالجميل ابتسامه . دامك المساء الشعر والعطر والفُل هاك الخفوق اللي مسائك غرامه |
ماجيت أحبك طيـش وبشكل عشوائي قلبي مـزاجه صعـب وأنت على جوّه اخترت أحبك وأعيشك أجمل أجوائي يكفي تنقّيت قـلبك " يالغلا " نقوه |
الله على اللي لا لمحته تهيضت
قامت حروف الشعر تبدع عشانه أقرا ردودة ويجذبني بصمت وروحي على وصله دوم شفقانه |
آشتآق لك وآلشوق لجلك آكــــنه وآقول لآ تآخذ من آوقاتي شــوي آلعمر مـــن شــــآنك تنآزلــت عنه وآلروح روحك لآ تشآورني بـشي |
هزيت عرش القلب حار الفكر حار
حطيت في قلب المولع لواهيب امس العصر تجري بنا صدف الاقدار ما احد درا والكل مايعلم الغيب |
أضيع لآمــــن قلت لـبـى عيونك وآناجنوني عشق لاصابني الشوق يعني جنونـي لـويوافـق جنـونـك سلـم على آلعشاق ياقمـة الــذوق |
احس فيك في داخلي وين ما اروح
ولا صرت جنبي صار وقتي ثواني واللي خفا بالقلب مقدر به ابوح لكن ترا يظهر بعيني حناني ودي اوصللك رساله من الروح تحمل لك اللي ما نطق به لساني |
قھوي مزاجي بقربك وقھويني وآنا بقھويك شعرٍ عذب ومحـلا كل المشاعر على دربـك توديني ولغيرك الصدر ما رحب ولا هّلا |
عرفته مثل المطر لا طاح في قلب الظمى ،،
حبيته مثل العمى لا شاف من بعد الظلام |
ياجعلني م أفقد وجودك و أنا حي وي جعل ربي يحفظك لي ويصونك مابي بعد حبك من دنيتي شي لبى هدب عينك ولبى خفوقك |
دامك معي مالي ومـال المخاليق
يقفي بهم .. ريح الزمـان وعجاجه شفني بدونك كيف ينهشني الضيق وشـوف ابتهاج الروح يوم انتواجه |
طاريك عنـدي كنه العطر لافاح لك موقـع بالقلب ما احد يــدله أنت العزيز الي له النفس ترتاح وأنت الغلا والشوق والطيب كله |
وحيد نوعك ياجعل ربي يخليك
الوصف نادر وميزتك تضيع ببحورك |
وحيد نوعك ياجعل ربي يخليك
الوصف نادر وميزتك تضيع ببحورك |
وصفك على وصـف المخاليق يفرق مــدري حــواك الزيـــــن ولا حويته وطلتك في العيــــن تنـــور وتشرق مثل القمر والشمــس نورك فديته |
يا سماي ويا مُناي ويا ميولي
ما أحس إني بخير ، إلا معك ..^ |
انت عيدي واجمل ايام العمر وأنت فرحة قلبي وحظي الحُلو, آحبك |
انت مطر دنياي وانت سحابه
وانت غلا روحي وعمري والاشواق انا عشقتك روح قبل الكتابه حبك لجا في داخلي وسط الاعماق |
تمنيتك تشوف اللي بقلبي لك عشان ان قلت لك كلمه أنا والله أحبك تصدقها |
شفت الندى لامن تكاشف على ورد
ما يشبه الا مبسم اللي هويته |
بعض البشر اجمل من الشعر والبوح واجـمل مـن الوان الرسـم والمعاني بعض البشـر ترد في نبضك الروح مـن تبتسـم لك يبتـدى عمـر ثانـي |
رتبت لك حلو القصيد ومعانيه
وكتبت لك بين الحنايا عشقتك |
أحب إسمـه ، ولا أحب البشـر تطريه أحس إني ملكت الإســـــم ، وحقوقه من حِس قربه تعلق كل حلمي فيه يا زين كلامه، ويا حـلوه ، ويا ذوقه يآخــــذني لعالمــه ، وآنا على طـاريه أشتاق ، ويشتاق لي ، وآآآه من شوقه |
ينبض القلب أحساس ومشاعــــر
وتنبض الروح بغلا من سكنهــا ياللي طيفك ما يفارق الـخـاطر والـــروح بيـــــن يدينك سجنهـــا |
مالي غناةٍ عنك يامال الغناه أنت الحياه اللي أهيم بحبها طيفك يحاصرني مع كل اتجاه يا اجمل مواضيع القصيد ولبّها شُفهم لا قالوا إنت تحب الحياه أتخيّلك واقول اي والله احبها |
لا يهمك التوقيت ؛ بينك وبيني ،،
صبحي و مسائي معك وين ما رحت ، أنت أجمل ايامي ؛ وبهجة سنيني ، فديت وجهك كل ما اصبحت وامسيت |
تدري يسار القلب وش يحتوي فيه أنت ، و تفاصيلك ، و دنيا عيونك |
ليہ انت بذات تعلقت فيكك ؟ وليـہ
کل ما غفيت وصحيت آدور كلامگ |
ادمنت في عشقك انا اليوم ادمنت والقلــب ياقلبي هـداك احترامه ياكيــف ما احبــــك وفيني تمكنت واسمك نحته في خفوقي علامه |
سكنت فـي قلبــي وانا اليوم اغليك
ارفــــق علـى قلـــبن عطاك السياده خذلك هـواء روحي وبالروح افديك المشاعر لك غـــلا كــــل الغــــلا مـنك زياده |
تعـال لـ قلبي ترى القلب مشتـاق والشوق يمك ياغناتـي دعانـي القلب ينبض ـلك من الشوق خفـاق والشوق يمك ياغلاتي خذاني |
أغليــــه لو إنه بعيدٍ عن العين
دام المشاعر في غرامه رهيـنه الحب عند الناس كلمه وحرفين والحب عندي له معـاني ثمينه |
اضحى المساء في طلة الزين مشرق كنه خيــوط الشمـس وقت الظهيره حضورها عــن باقـــي الناس يفرق طلة مـلاك وحُســـــن هيبــه اميره زيــن للشوف يسرق وفيها الوصــوف الحاليه والمثيره |
يوم حبّك من ورا ضلعي سطا
واصلٍ عشقك إلى حد الجنون و واصلٍ شوقي ليا بعد "الفضا" أنتقي لك شعر و أنغام و فنون |
ملكت قلبي بعذب اسلوبك الراقي لامن تكلمت صابت خافقي خفه ياللي تربع غلاك بداخل اعماقي بالذوق واللطف والمنطوق والعفه |
روحي وروحك يالغلا ضمها . الشوق
في روح واحد بالهوى . ضم روحين من يوصف العاشق اذا صار معشوق هــــي قمة الاشواق . بين المحبين |
إجلس بـ قلبي حبيبي ، ماعليك وأي شخص يضايقك فيه ؟ إطرده أفقدك لو غبت لحظه وأحتريك وغيرك يغيب ( العمر ) ما أفقده . |
شرعت لك باب صدري يوم مالك خشير
وخليتك تشوف صرح العشق من نافذه تطمن القلب طيرٍ في يدك مايطير ان ماخذاه الموت ولا مـاحد بـ ماخذه |
في وجودك يشعر الخاطر براحه أيـه...أحبك موت ياغـايـة مـناتي كيف ما أقول الحقيقه والصراحه وأنت أجمل من عرفته في حياتي |
| الساعة الآن 07:14 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd.