منتديات سكون القمر - قطرات قلم من بقايا بوح القلب

منتديات سكون القمر (https://www.skoon-elqmar.com/vb//index.php)

- ۩۞۩{ مدونات الأعضاء المميزة }۩۞۩ (https://www.skoon-elqmar.com/vb//forumdisplay.php?f=141)

- - قطرات قلم من بقايا بوح القلب (https://www.skoon-elqmar.com/vb//showthread.php?t=9837)

قالوا ترى مالك امل .. في قربها لو يوم
ابعد وجنّب دربها .. هذا هو المقسوم
قلت اتركوني واسكتوا .. خلوا العتب واللوم
قدني غرقت في بحرها .. ولاعاد يفيد العوم

قالوا ترى في حبها .. ويل وأسى و هموم
قلت ان قتلني حبها .. حسبي تقول مرحوم
قالوا لي انسى ذكرها .. منتب بها ملزوم
قلت ابشروا ياعاذلين .. بنسى لذيذ النوم

قالوا بتلقى غيرها .. واترك هواها اليوم
قلت العفو ياحاسدين .. ما ابدل قمر بنجوم
قالوا لغيرك حبها .. قلت الجواب مفهوم
دام انها متهنيه .. وشلون اصير محروم

بقضي الليالي انتظر .. صابر على المقسوم
متعلق بطرف الأمل .. يمكن يجيني نوم
قالوا ترى في حبها .. مالك امل لو يوم
ابعد وجنب دربها .. وهذا هو المقسوم

و أشوف .. في ضحكك بكاء , وفي نظرتك حاير سؤال
صامت .. لكنّـه حكى ! , دمعك على خدك وقال:
مني شكى ومنك شكى .. من دنيا آخرها زوال
داعب عيونك نغم .. صادق أحاسيس الشعور
دمعك على خدّك رسم ..صدق الوفاء طول الدهور
من الخدود إالى الشَفق ..منها سرق لون العبير
فيها تلاقى وأفترق .. ظامي ربيعك والغدير
أشوف في عيونك ألـَم ..رمشك طغى منه العذاب
في صمتك الناطق ندم ..وفي واقعك دنيا سراب !