[quote=شايان;632053]‏
كن المساء بطلتك يصبح بروق
الله على ذوق النجوم بحضورك
شعورك الطاغي تململ من حرة الشوق
ماتدرين ان القمر قد غار من نورك

الله هالله


بقلمي

شكرا كثيرا طيبا لحلوة الروح
اللي سالت عن جنابي بحزة غيابي
شكرا جزيلا لحضرتك مع دلة تفوح
باقات ورد بيدك تغلف كتابي
حروفي تلهج بالثناء لحضرة الصبوح
تشرق علي في دلها من خلف النقابي
مبسوط جدا بها وفرحانه فيها الروح
لانها اصيلة والمودة في كفها خضابي



شكرا

بقلمي

https://scontent.fjrs1-2.fna.fbcdn.n...2f&oe=60F3DE45

وين ماوجه انا قلبي شفوق ...
ماشي مع احساسي ودايم يتبعك

ياغلا الدنيا ياالعين البروق ...
روحي وتفكيري وشوقي يسبقك

لو على كيفي سكبتك بالعروق ...
واثملك بالحب و ابوح بشوقي لك

قالت جديدك قلت ببدى جديدي
لعيونك الخدرات بكتب قصيده

دامك سألتي عن جدايد قصيدي
ترقص طرب كل القوافي سعيده

ياشيخة الحلوات هذا جديدي
ياعنفوان مهار نجد العنيده

‏خل الكلام ينام في صدري
ما ودّي أجرح ليلك الهادي

أنا وصلت لـ مرحلة مدري
اللي بعدها كل شي عاااادي

‎

‏تدري حضورك يفرح الصدر والعين
‏وتدري مـــع الأيــام يـــزداد شوقي
‏
صادق معك هالحين وبكره وبعدين
‏ويالله عســـى مافيـــه شيٍ يعوقي
‏
تسكن مجـاري الدم بين الشرايين
وتلعب في الأعمـاق داخل عروقي...

مع ضحكتي يصحو صباح العصافيـر
واليا سكني صمـت نامـت مدينـه

وفيني تفائل ، وأمنيـة طفـلٍ صغيـر
وفيني قهـر شيـخٍ هزمتـه سنينـه

كني حكاية من حكايـات أساطيـر
ماضي الزمـان بقصـةٍ لـي حزينـه

رغم الخطايا اللـي تفـوق المعاذيـر
تبقى المواجع فـي خفوقـي سجينـه

واليا تنـازع فينـي الشـر والخيـر
نفسي تجـي للخيـر دايـم عوينـه

وأزرع جناين ورد حولـي وأزاهيـر
وأبني وطن ، وقصور حب ، وسكينه

وتضرب ولاياتي عواصف وأعاصيـر
وأخفـي الخسايـر لاتبيـن الغبينـه

وأجمع متاعـب سرمـدي المشاويـر
على مشـارف قلعـةٍ لـي حصينـه

تعبت خطايه يا (الأمل) خلفك أسير .!
وأشجب رداة الحظ فينـي ، وأدينـه

لكن عرفـت انـي ضحيـة مقاديـر
من عقب ماضيعـت فرصـة ثمينـه

انا يا وليفيّ نومي من ايام ماهوب زين
فلا هو بـ جايزٍ لي .. ولاني بـ جايزٍ لـه

ادور لي اعذار لأجل تهجع .. العينين
ولا القى سوى راسٍ همومه تعنزله