ماعليك إن طحت ياحظي ملام ..
...وان بغيت أللوم..قلي من ألوم


ضاقت الدنيا و لا عندي كلام ...!!!
.... يا هي صعبه .. ضيقةالشخص الكتوم


من يلوم .. ان صار باحساسه زحام
.... و السهر عيا عن احزانه يقوم


ضايع ٍ وسط الهواجس و الظلام
.... في عيونه ياااه.. يا كثر الهموم

رغم انه عااش..من فوق الغمام
.... بس ما يطمح بما دون النجوم



حط ّ له بين البشر قدر .. و مقام
.... وين ما وجــّـه .. عزيز ٍ و امحشوم


من تنكـّـر .. صد ّعنــّـه باحترام
.... و اللي وافي.. شايله فوق الغيوم


ما نثر دمعه .. على صــدّه غراام
.... و لا وقف في سوق خلاّنه .. يسوم


لو زعل .. صد ّ و نسى كل الخصاام
.... ما يفااااارق صاحبه .. لو هو جزوم


مؤمن ان الغدر في شرعه حرااام
.... ومنغدَر به ..يبتعدعنه ْ .. و يشوم


و انت يا قلبي .. اصحــّـيك وتنام
.... ودي تصحى بس ابي تصحالي .. دووم


قلت لك لاتطمح براس النعام
.... و لا تطب ّ اليم ّ .. دامك ما تعوم


و لاتضيم الحي ّ .. و حيــّـك ما يضام
.... و ان خذوا لك حق.. لا تشكي و تلوم



العطا ..يبيــّـن على وجيه الكراااام
.... لاتظن الطيييييــب ينفع بالرخوم

اعجبني

منك انتهــينا يا مخـيـب رجـانـا
الصــبر طال وعذبتنا المشـاويـر
في موت حبك يجبر الله عزانـا
بيدك رميته لا تــقـــول المقاديـر
لـولاك حنـا مــــاتــبـدل غــــــــلا نـا
كل الوفا منا ولا منـك تـــقــديـر
قلنا سحابه صيف تعـبر سمانـا
وتزول ماله في سما الحب تأثير
غدرك على نسيان حبك حـدانـا
هذي ســــواتك ما تفيد المعاذيـر
عفناك واللي عالم فـي خفانـا
البعد عنك ارحم وقلبك مع الغير
تبيعنـا واليـوم تـبــكـي هــوانـا
لا يا عديم القلب فرقاك لـي خير

عبدالله العليوي رحمه الله

ياهوى البال جرحي كل يوم يزيد
والسبب من غلاكم ذقت مر العذاب
حبكم ساري في دم حبل الوريد
طابع وسط قلبي مثل طبع الكتاب
ساكن في حشى روحي ولاله ضديد
وزولكم عند عيني دايمآ مايغاب
لاذكرت السوالف والكلام الاكيد
عفت لذه منامي وعفت حلو الشراب
ماحلا النور واضح بين هاك الجريد
يجهر الي يشوفه لو ورى الباب باب
عقب وقت مضى نمشي على مانريد
صار يصعب علي منهو يرد الجواب
ومن سببكم بديت انظم بيوت النشيد
وكمل الحال مني وصاب قلبي اللتهاب
يوم فرقى الحبايب مثل يوم الوعيد
عزي لي من الفرقاء يزيد الصواب
ليت للحب علاج يذكرونه يفيد
واتعالج واريح من كثير العذاب

عقب الموده والغلاء شفت الأنكار
وفرقا الحبيب اللي توده مصيبه

وش حيلتك باللي توده إلى بار
وعقب الموده بان لك منه ريبه

أقفى وأنا مما جرى منه محتار
زعلان مني والزعل وش يجيبه

فيما مضي يوصل ويعرض للأخطار
يوصل ولو إن المسافه بعيده

واليوم أشوفه بدل اليسر بأعسار
وعز الله إن لي منه قصه غريبه

نسي غلاه ودارت الفلك وإندار
ونسى جروح بالموده رطيبه

ويترك علوم خفيات وأكبار
ومن بعدها ما يبرد إلا لهيبه

الله وأكبر كيف يرضي بما صار
يلوع قلبي بالجفا الله حسيبه

وبيني وبينه قد مضى هرج وأسرار
وسكرات حب وعلوم عجيبه

أرجي من الله تدابير وأقدار
ما صابني من هول حبه يصيبه

حتى يعرف أن المحبه لها كار
وإنكارها بين الحبايب صعيبه

وبأصبر على غدر الليالي والأكدار
ولا بد من عثرات الليالي تجيبه

لايومي بيـوم ٍ ولا ليلـي بليـل
ولا السّعد مقبل ولا الهـم زايـل

ماغير ازم هموم واحـط واشيـل
ولاراح منهـا هـم جالـه بدايـل

تدرون يالعربان وشهي البهاذيـل
فرقى وليف وحظ مامـن صمايـل

الوصل نعمه والمفـارق غرابيـل
ياحـظ ليتـك تعتـدل ماتمـايـل

لامن بغيت اعدّلك ترجـع تميـل
كنّك تقول اعيش وامـوت مايـل

والمهرة اللي ماتعيّن مـع الخيـل
من دونها تقصر جميع الأصايـل

من دونها ضاعت عقول الحلاحيل
وتضاربت فيهـا سلـوم القبايـل

وانا اتصبّر وازهم العقل والحيـل
والقلب يشكي للضلـوع النحايـل

اصبر مثل صبر الرجال المشاكيل
واخبّي جـروح الزمـن واتحايـل

لن الردي والهيس وخبل الرجاجيل
تفرح لا وراني الزمـان الهوايـل

وانا اترفع واترك القـال والقيـل
واجبر عزى قلبٍ على الموت آيل

أشب نار الشوق وارهي المعاميل
واريّح اعصابـي ببـدع المثايـل

ولاّ الغلا ماعاد يحتـاج تفصيـل
لنّـه مورينـي نجـوم القوايـل

ياللي غيابك حط بالقلـب تنكيـل
ويلي على قربك ولانـي بطايـل

لاغاب صوتك ماتفيـد المراسيـل
وفر على الجوال كثـر الرسايـل

والله لـو تاخـذ لدمـي تحاليـل
تلقاك بالجينـات صايـل وجايـل

حبك تعدى حب الاكـراد لأربيـل
الاّ تعـدى حـب شمـر لحـايـل

صبيت حبك مثل صـب الفناجيـل
وين الجليله تشرب اشواق وايـل

وانته تواعدني من اسهيل لسهيل
والشوق في قلبي مسوي عمايـل

ليتك تبادلني الغـلا والمواصيـل
وترد لي بعض الوفـا والجمايـل

تعبت من قولة ظروف وعراقيـل
وتعبت من قولة ياقـل الوسايـل

يعني انا ويـاك مثـل المهابيـل
واشباهنـا فالوقـت هـذا قلايـل

كذاب من قـال المحبـه تساهيـل
راحو ضحيتهـا عيـال الحمايـل

انتي تُعجبيني بكل ماتملكين من خصال
انتي تشديني اليكي دون شفقه
الم يزرع الله داخل قلبك ذره من رحمه
فلما تجورين علي بصدودك
وتجعلين قلبي يدور في مدارك
الى ان اصبحت مشتت بين فصولك الاربعه
لم يهنئ قلبي بربيعك
وجور صيفك يلفحني
وخريفك اصفرت به اوراق قلبي وتطايرت من الريح
وشتائك الغارس جمد مشاعرك ناحيتي
وكم تمنيت ان يكون هناك فصلُُ خامس
يسمى فصل جودك

ياللي تشتكي من همك كثير
تعال شوف عندي جيش هموم
او اشيل همك على همي يصير
راعي الكرم بين الناس مذموم

احبابك كثير وانا منهم
خبرني كم عدد اللي يحبونك
بودي اقدر ابعدك عنهم
واشيلك في قلب حبك يصونك

كلما قست ايامك تذكر ماضيك
فكم كانت السعاده تلازمك
وماقست عليك الا لتحمدالله على مامضى

ليت القلوب تسولف مع بعضها
وتشوف كيف قسوة حكي اللسان
الاوادم السنتهم سبب مرضها
وفي القلوب شي ماعمره كان
المحبه في القلب محدٍ جحدها
ولكن اللسان ينضح سم ثعبان

لاترتـــجي حبيب صدعنك يوم
لابد من يوم يجي يعيــدالكره
واذا ابعدت لاتقول انامحروم
لوانعادت الكره ماتسلم الجره

ليتك من بدالناس جاري
وليتنــــــي انا بعـــد جارك
وكل يوم اعلمك باخباري
وتجودعلي بكل اخبارك
البلابعدك يقيد بي ناري
وانت لابعدت تنطفي نارك

ياانتي ياللي لك القلب يشتاق
علميني وين هو طريق النسيان
ليش طبعك في الحب عاق
غلطان من قال في الحب امان

الزمن لاجاد من جودالله علينا
ولاشح الزمن تراه من اعمالنا
كل جزا الله لنا من فعل ايدينا
خلونا من الحقد ننظف قلوبنا

لانويت تبعد خذني معاك
مابي اكون بعدك لحالي
وخذ قلبٍ معك ماسلاك
يحبك يعزك يودك ياغالي

يؤلمني البعد حد الموت..فهل تجرعت مرارته مره

ياهيه اجلس مع نفسك
تذكروعيد كل حساباتك
من نفسك تتعلم درسك
واقضي كل ماتبيه وفاتك

توجد عندنا نعم كثيره ومنها من نحبهم
ولانعرف فضل الله علينا الاعندما تزول تلك النعم وتذهب لغيرنا
نسأل الله السلامه

قد نأخذ من الوهم اصدق العبر
فلما ننتظر ان يحصل لنا موقف لكي نعتبر

ماكل من قال احبك يحبك
ولاكل من تعتقدانه يكرهك يكرهك
وقد تقع في ورطه وينقذك من لاتتوقعه

هناك ناس
ان لم تراهم تجد نفسك في غربه
وكانهم اوطان لنفسك
وان رأيتهم تجد السعاده ترفرف في سمائك

في الحب ماتسوا علينا البهدله
من كثر العذاب صرنا نكرهه

دنياي صارت تعدي مثل دقايق
والفرح حاربـــــــني وغير طريقه
وصارت تتكشف لي كثيرحقايق
وصرت اخاف من كشف الحقيقه

عسى هوجاس الحب ينساني
ويسلك طريق غيرعن طريقي
وليت اللي ذكرته لاجيته ولاجاني
ولافكرت فيوم يصبح رفيقي
وليت ربي عن طريقه اعماني
كان ماصرت مثل اليوم غريقي

انا من الحب اعلنت انسحابي
دام الحب يجلب لنا المضـــره
والمحبين ابدي لهم بعتابي
ترى خيرة الحب في المسره

من لايعـدك ربــــح لاتعــــده راس مــال
هذي نصيحه واقبـــلها فكــل الاحـــوال

ولاتعتب على الحظ لوهــــو عنــك مـال
لابد مايجي يوم وتحـالفـــــك الاوحــوال

ياصــاحـــبي ماكــــل من تمــــــنى نال
ولاالتـــمــــني هــــو صــــــعب المنـال

خــــل دعــــــوتـك لله دوم فـــالســؤال
هـــــو خالقـــــك وخيرمجــيب للســؤال

هذا ماقالته اختي الغاليه
الديم
في حقي اسعدها الله كما اسعدتني
وان يرزقها على قد نيتها الطيبه وان لايريني فيها مكروه ماحييت
فهي نعم الاخت الصدوقه الصادقه صاحبة القلب الكبير ان لم تحب لاتكره


عضو تتابع مشآركآته ؟
(حمدان + طلال +صمتا+ عاشق الكلمه)

متابعتك لمشاركاتي شرف لي وهبني الله اياهـ افتخر به ماحييت

عضو لو فكرت بيوم تصآدق بتصآدقه ؟
( ما فكرت وصادقت اخوه لي هنا طيبين مثل : طلاااال + عاشق الكلمه + احمد)

وانتي نعم الاخت والصديقه صداقتك تسعدنا واخوتك شرف نتمسك به
مدى الحياه ولن نخون ثقتك بنا ابدا



عضو محل ثقة ؟
خواطر + صمتا + طلال+ غرام الاصيل)

وانتي محل ثقه بل كل الثقه

طلال // هالشخص احترمه واعزه معزة اخواني واعتبره اخوي اللي ما جابته امي واقول له :
لاتترك للحزن ان يحتلك واصابع يدك ليست مثل بعضها واترك لقلبك ان يحب من جديد
فالحياه من دون حب وشخص يحبك ويغليك حياه جافه ..

وانتي بمثابة اختي بل اختي التي احبها واصونها واحميها من كل مكروه
أسأل الله ان يسعدك سعاده تعانقي بها السماء السابعه على طاعة الله ورضاه
ولاحرمني الله طيب اخوتك الطيبه

مدري تغيرتي او غيرتك الايام
تلاعبتي بي وخليتي فكري معاك
واليوم تركتيني وعيشتيني باوهام
وتضحكين على وضعي وش بلاك

من عرفتك ماغـــــيرت طبعك
كل يوم تزودني من الحيره
وتحاربني لاقربت حدودارضك
باسبابك تحرقني نارالغيره

مــــــــاتجتمع رجاحة عقل وجنــــــون
وعمر الحـــــــزن مايخــــــــتلط بالفرح
والقلب لو شاف ماشافت العيون
من غياب الحبيب الصدرماينشـــرح
والجــــــلادعمره مـــــايصبح حـــــنون
لو صفح القاضي الجلاد ماصــــفح
ولاعاش من بالحب طبعه يخــــون
يجرح الناس وهو عمره مانجـــرح

عندما يصاب الشخص بجنون العظمه والكمال
يقود نفسه للهاويه دون ان يعرف

1438/7/1
الاربعاء
انتقل الى جوار ربه
اخي وصديقي
سعدعلى العتيبي
أسأل ألله أن يغفر له ويسكنه فسيح جنآته
اللهم تقبله قبول حسن واجعله منمن تقول لهم ادخلوها بسلام آمنين
اللهم امين

لك الخافق خفق..والعين ماتشوف غيرك
ولاغبتي خوفٍ صفق..عسى الله من الشريجيرك

تقيد بداخلي نار الشوق لجلك
حتى المطافي عجزوا يطفوها

يكثرهجوسي لاحل ظلام الليل
لاغاب ذاك اللي بمحاجر عيوني
عزالله اني عايـــــشٍ في غرابيل
اقفوا وراحوا عقب ماهم ولعوني
واعذبي يومهم انكروا ماقيل
ويومهم في بحرالمحبه غرقوني
والله اني شفت منهم تهاويل
وفي ساحة الحب صدق لاعبوني
يالله اني سائلك وعليك دخيل
تجزاهم باللي هم جرعوني

لاتسد الابواب اللي بينك وبين الله
اذ دعوت لن يستجيب لك اي انسان
فقدرات الانسان في حدود وقدرات الله بلاحدود

مـدري ابعــــدتي برضاك
ولا الــــــزمن هو ابـعدك
تتجاهلين قلبٍ ماسلاك
تجرحينه وبالخير يوعدك
قلبك عن البعدمانهــاك
او ذاك عنـــــي يــــــبعدك

المعذره قلبي تعب
ماعاد يتحمل لعب

كُمْ مِن الْقُلُوب نَشَعُـــر بِها و لكِنْ يبَقى الصَمِتْ عِنوانِها

ومَا أقَساه مَن شُعور ، عِندَما تَكُون ؛ عَاجِز عَن الإبتعَاد ، وَمَمنُوع مَن الاقتراب