|
طفله خطـأ .. يازماني كنت ولازلت.. ؟؟
لا لي أب وأمي في عز في احتياجي نستني ؛؛ ذنبي .. خطيئة غيري .. ومنها تكونت ..] نفتنـي الدنيا والأحزان بودها أحظنتني ..] تضمني بهمومها مهما عنها .. جنبت ..؛؛ لدار الأحزان .. أمي بحنانها .. نفتنـي أللـعابي الهـم .. وعروستني كلمة أذنبت ..؛؛ ذنبي أمي .. للشارع الموحش رمتني وأبوي ما يوم ..سمعني مهما صرخت .. ؛؛ بالعار قبل لانولد ..بعيون الناس وصمني وش حيلتي .. يازمن وأنا ما أبتديت للحين .. طفله خطـأ .. والظروف ظلمتني أشتكيت لخالقي .. وبرحمتة استخرت يهديني لبر الأمان اللي منه احرموني ..؟؟ |
لك كم سنة تسأل وأنا أقول بعدين,, لاعاد تسألني عن أسباب هالصمت بيني وبين الصمت عشرة من سنين,, وأخاف أخون الصمت لامن تكلمت بعض الحكي يوجع ولو كان حرفين,, وش ينفعك لامن حكيت وتندمت؟! واجد جروحي بس والله غاليييييين,, من كثر ماأغليهم لياشفتهم قمت جرحي لياأقبل قلت ياجرحي أهليييين,, معروفه اني من عذابه تألمت ولا زماني لو ضحك عارفه زيييين,, ماهوب يبطي لو بوجهه تبسمت لاعاد أجل تطرح عليا سؤالين,, وش فيك ماتضحك؟؟وش فيك مانمت؟ |
قـل للقلـوب اللـي تحـدّك .. علـى أقـصـاك.. !!
انـك ~ معـي ~ لـو شـمـس الأحـلامـ غـابـت وقــل لليـديـن اللـي تبـي لـمـس [ يـمنـاك ] ايـديــك [ نـامـت فـي يـدينـي ] وذاااابــت لايحتـرون .. فــراق [ قـلبي وفـرقـاك ] الـلي هـقـا الـفـرقـا .. هقـاويـهـ .. خـابــت ..! [ حطيـتـك بعيـني ] عـلى شـان مـا أنـسـاك وناديـت لضـلـوع [ الغــلا ] وإستجـابـت شـف وش كثـر : هيبـهـ : محبتـك لرضـاك مـن كثـرهـا .. كـل الـعواذيـل .. هـابـت ..؛؛ حـنـا ~ مشـيـنـا ~ درب مـاحولـهـ أشــواك وحنـا بـنيـنـا [ حــب ] والـسـاس ثـابـت { .. ماننتهــي ..؛؛ لـو تنتهـي .. كـل الأفــلاك ولـو روسـنـا مــن : جــور: الأيـامـ شـابـت وشلـون أعـيـش العـمـر لحظـهـ .. بـلـيـاك { .. و ~ الـشـوق ~ كنـهـ بـيـن الأضـلاع .. نـابـت |
يابوي ليه تبكي كل ما شفتك وعينـك لـي *،*
تخاف أموت يابوي ... وقبل الموت تبكيني تكفى يابوي لاتبكي وأنا موجود معك وحـي*،* أجل بعد الرحيل أشلون في قبري توطينـي يابوي لو تموت الناس ماتسوى دموعـك ذي *،* وأنا يابوي ميت قبل أموت وأنـت محيينـي قسم بالله يابوي لجل عينك شربـت الغـي *،* جرعت الهم والحرمان وبحر الويل يسقينـي تحملت السنين اللي طوتني في عذابي طـي *،* وصار الجمر بكفوفي .. وتحت أقدام رجليني يابوي ماعلى عمري حسافه ولا بقا بي شي*،* ولكـن بطلبـك يابـوي تكفـى لا تخلينـي يابوي مابي غيرك يغسـل جثتـي بالمـي *،* وتكفى قبل لا أتكفن .. يابوي فكلـي عينـي بأمر الله يمكن ألمحك وأرحل في عيني ضي *،* وودع وجهك الطاهر مع دنيـاي وسنينـي وخل الناس تحملني وترفع راسي ورجلـي *،* وتأخذني على قبري وتكسب أجرهـا فينـي وأذا جيت القبر يا بوي نزلني شوي شـوي *،* ووجهنـي لبيـت الله .. وقبلـه المصلينـي وحط الطين وأدفني وعزاللي يعـزي فـي *،* ثلاث أيام يابـوي .. يواسـوك المعزينـي ورابع يوم يابوي تذكر .. ضحكتي وعني*،* تذكر وش كنت أقول يـوم أنـك تنادينـي تذكر يوم كنت أنام في ظل النخـل والفـي *،* تجي يمي تصب الما..على وجهي وتصحيني تذكر جرة الموال وصوت في حبالـه كـي *،* تذكر يوم أغني لك قصيدي وانت توحينـي تذكر كل شي كان وأذكر يـوم انـا حـي*،* ولكـن أسالـك بالله يابـوي لا تبكيـنـي |
حبيبتي تشرب على الريـق ببسـي واليا تعشّت ماكلـت غيـر كتكـات حبيبتي حطّت علـى العيـن ورْسـي وماتلبس الا من جديـد الموديـلات نحيفة(ن) عـن كـل عـذرا تنّسـي في حسنها قـد كلْبشتْنـي كلبشـات احبهـا بـس الـعـرب ماتحـسّـي والله يعيـن المبتلـي بالطـويـلات ياونتّـي ونّـات ســوّاق تكـسـي زل النهـار وماحصـل لـه ريـالات والا مريض(ن) علّتـه شـي نفسـي مافاد بـه كـي العـرب والقـراءات لاشفتها كنّـي مصـاب(ن) بمسّـي مثل المهبّل قمـت اقطّـع إشـارات وليا حكت كنّي من النـاس خرسـي أطرش .. خرس .. لو دوّسنّه تريلات فيها حلا الأسبان وعطـر الفرنسـي وفيها دلـع لبنـان وعـز الإمـارات حلوه مثل طعم الكـرز والجالكسـي مخلوط بالسكّر معه خمـس تمـرات لاقلت : شكراً ، قالت البنت : مرسي بنت الأفندي ناظـرت لـي بغمـزات يجلدني الاستـاذ لااهملـت درسـي مايـدري أنـي واقـع(ن) بالبنيّـات ابكي واقول ان البلا كـان ضرسـي يااستـاذ تكفـى لاتنقّـص علامـات انا وقعت اليوم مـن فـوق كرسـي ولاحصل لي مـن حبيبـي زيـارات قالت: أنا ليلى ، وبسمّيـك : قيسـي عطني شعر واعطيك ضحكه وبسمات قالت: تجي لابـوي ثـمّ(ن) تمسّـي بس المهر تاقـف عليّـا خفـارات! قلت: اسمحي لي واعلني بـالmbc تلقيـن غيـري يابنيّـه حـثـالات يشهد على ماقـول بيتـر وعبسـي ونحّول ونامق بالرسـم والحراكـات اليا حضرتوا يالربـع يـوم عرسـي عانيّتـي منكـم كراتيـن كتـكـات هههههههههه |
إلى حضـرة جنـاب اللـي تعـدّى حـدّه ولا زال
نصيحه منـي إسمعهـا و خليهـا علـى بالـك تمهّل يـا ابـن آدم تـرى كـل الرجـال أفعـال و أنا ما شفت لي شـيٍ يوافـق جملـة أقوالـك تمهّل قبل مـا تنطـق و ترمـي حرفـك القتّـال تمهّل قبل مـا تبـدي بلعبـة مـن هـو الهالـك إذا كانـت شياطينـك تجيلـك كـل يـوم بحـال تجمِّـل طعمهـا ذنوبـك كبيـر الذنـب يحلالـك تسب و تقذف و تشتـم لجـل تسعدهـم العـذال و تتمـادى بأفعالـك حقيـره حـيـل أفعـالـك تشوف إن البشر مثلك بلا ذمـه رخـاص انـذال تراهم مثل مـا تنظـر لطبعـك إنـت و أمثالـك أجيك الصـادق الوافـي تجينـي للفـرح تغتـال تحاول تجرح دموعي لجـل تسعـد بهـا لحالـك تظن إن الحـزن فينـي يخيِّـب صـادق الآمـال و أجيك أضمد حروفـي و أشـرب مـر فنجالـك حشى والله ما خابـت ولـو حملـي يهـد جبـال حشى ما تسكـن جروحـي بعينـي لـو تهيالـك تحسب إني مثل غيري أبضعف و انوي الترحـال و أبترك مملكة شعري و أبرضي واطـي آمالـك تكلّم مثل مـا ودك و قـول فـلان قـال و قـال أبد ما هز بي شعـره خسيـس القـول و جدالـك كبيره من صغر سني عزيزه مـن ظهـر رجـال قنوعه بما عطى ربـي ولا قـد جيتـك ألجالـك ولـو طالـت ألاعيبـك تفضـل كمّــــــــل الـمـوال لأن الله لـو يمهـــــــــل أبـد مـا يهمـل أعمـالـك مثل ما قد طعنت اسمي بعين الصاحـب المحتـال يجيلك يوم يطعن بك ( بأختك ) صاحـب ظلالـك تشوف إن الدمع بلـل بوجنـات البريئـه ســــــال تجي تنده .. يا خوي افزع .. تشوفك مالخطا هالك بتذكرني فـي لحظتهـا إلا منـي طرقـت البـال تشوف إن الندم يذبـح .. يـزود حيـل غربالـك تحاول تبـدي أعـذارك و لكـن الخطـا لا طـال أبد مـا تشفـع حلوفـك دمـوع الذنـب تغتالـك مثل ما قالها حامـد أبخلـص و انهـي المنـوال ببيتٍ تـدرك حروفـه لجـل يبقـى علـى بالـك " إذا قصدك تهين اسمي عشـان تشمـت العـذال ترى لا انته ولا غيرك ولا عشره مـن أشكالـك " |
إستشير القلب دامك تشعـر إنـك مستشـار
ولاتظن عيوني أبدا غيـر عينـك تستشيـر لاتحسـب إنـي أراوغ أو أمانـع أي قـرار دام حبك بي خيالي خل يصيـر اللـي يصيـر والقنـاع اللـي لبستـه مايغيـر هالمسـار كل واحد في غرامه يمتلـك قلـب وضميـر جيت لك موت وتحدي .. لو تبي جيت إنتحار المهم إبقى عشانـك دام حبـك بـي خطيـر كيفها عيونك حبيبـي لـو تناظـر بإحتقـار دام أنا بعينك حقيره أعشقك يا أعظـم حقيـر خلها تطـول المسافـه مـا أمـل الإنتظـار دام أشوفك في خيالي عاشـقٍ مالـه نظيـر ودامها صارت تحدي ما أحب لعـب الصغـار وأبتدي أقنع عيوني بس تشوفك هـي كبيـر وأعلن سيوف التحدي وأرفعك فـوق الكبـار وكل شامخ في طريقك أجبره يبقـى صغيـر وساحة الشعر بمداها تصبح لعينـك قطـار كلها تهون لقصيدك بـس تهنـى بالمسيـر دوم أنا أبقى قويه .. بـس أحـس بإنكسـار تدري وش يعني شموخٍ داخله يبقى كسير ؟؟ تدري وش يعني عظيمٍ .. تشعره بالإنهيار ؟؟ تدري وش يعني غرامٍ مابه إنسانٍ يغيـر ؟؟ تدري وش يعني حبيبٍ راح عنك وإستدار ؟؟ تدري وش يعني بروده يشعلك نار السعير ؟؟ كلها تهون لعيونك وأشعـر إنـي بإنتصـار وأمسك النـار بيدينـي ولا أفكـر بالمصيـر دامك المـوت الحقيقـي ياحـلاة الإحتضـار تزرع الشوك بطريقي أمشي وأتخيـل حريـر التحدي هو غرامـي ولا أعـرف الإنحـدار ولذة السكر هوايه تخجـل الوضـع المريـر شفتني كيف أنتهي بك شفتني ياأحلى مـرار لجلـك أجبـر هالمربـع ياعذابـي يستديـر ولجلك عيـون البرايـا كلهـا منـي تغـار وكل ماسافر مدينه خافقـي لعينـك سفيـر تمطر الدنيا غيـومٍ برقهـا يضـوي شـرار والصحاري كلها لـك وردةٍ وسـط الغديـر والمسافه لـو بعيـده مـا أمـل الإختصـار ماتهـم الجاذبيـه دام أنـا لعينـك أطـيـر كلهم قالوا غريبه وين عقلك .. كيف طـار ؟ قلت أنا للـي خذانـي وإبتعـد عنـي كثيـر يستشير الكـون لكـن مايفيـد المستشـار هو عقب نظرة عيوني .. به عيونٍ يستشير ؟ |
قالت أبيك تضمنـي قبـل لاتـروح
حقق مناتي قبل روحـي تروحـي ابيك تكتبني شعـر داخـل الـروح وابيـك تقرالـي معانـاة روحـي أدري تبي تلقى مسرات و جـروح و حاول تركز وش سبايب جروحي يفز لك قلبي من الشـوق و يبـوح لكن أمانة احفـظ اسـرار بوحـي بنيت لك بالروح من حبي صـروح تعال واسكن في أعالي صروحـي و داو الخفوق اللي بسبتك مجروح تدريبه إنه في وصالـك لحوحـي ما كل جرح يعالجه ضحك و مزوح احيان جرحي من سبايب مزوحـي و أحيان اعالج لهفة الشوق بالنـوح و أبكي وترتاح المشاعـر بنوحـي |
اللي بقى لـي مـع الأيـام .. وفّيتـه والضيق لـو ينهمـر تشربْـه وديانـي ماهي كبيـره علـي والحـزن غنيتـه وْلاهـي غريبـه إذا وقتـي تحـدانـي الخوف -يا من نبشت القلـب وادميته لاعشت زهرة شبابك وانت وحدانـي..! كم جرح خذْته من الأحباب.. ضمّيتـه وجروح قلبـي زكـاة لْحُـبّ.. خِلاّنـي مطعون؟ عاااادي ،، جفا الأقراب؟ داويته تعبان؟ مبطي ،، ردى هالحظ؟ خاوانـي صدمه؟ بسيطه ،، هَوان الحـال؟ مرّيتـه مقرود؟ أدري ،، وإذا حرمـان؟ عدّانـي ما فـاح هـمّ ٍ لـك الله مـا تقهويتــه ما مـرّ حـزن ٍ بغيـري مـا تبلاّنـي! ياما ويامـا مـن الخـذلان .. عديتـه إلا بصاحبْ .. بعد عِشـره تناسانـي ..؛؛ أزريـت لأنسـى غيابـه ليـن ناديتـه والمـوت لامـن تجاهلنـي وجافـانـي وينه يجينـي .. وكـل عْتـاب كنّيتـه ياليت يدري بعـد فرقـاه وش جانـي ..؟ من كنت طفل ٍ وانا أرجـاه فـي بيتـه شيّبت.. واثره على هالحـال خلانـي ..! حتى جنـاح العَتَـب لرضـاه ذليتـه ماطِرْت بعده فـرح مـن ذلّ جنحانـي يا قلب صبرك .. ترى كل شيّ سويتـه ما كان أفضل من اللي كـان بإمكانـي لو بيّ قـوه علـى الهجـران؟ خليتـه لو بـيّ ذره مـن النكـران؟ يفدااانـي الجرح أرحم .. إذا يرجع مـن أغليتـه..! مجروح؟ فِدوه .. ولكن صعب وحداني..! |
ياقلب جيتك وأفهم العلم يالقلب اللي تحبه يموت في حب غيرك كم قلتلك ياقلب خله على جنب يمكن مسيره يستوي مع مسيرك الدرب واضح بس لاتجهل الدرب اللي يحبك دايم يستشيرك ماهو مثل صاحبك عايش على الكذب وان ماكذب يموت الله يجيرك تبي الصراحه مالك ومال هالقرب ماهو كفو شرواه يصبح عشيرك انا ادري انه ترف وصغير وذرب لاكن مصيرك يختلف عن مصيره لا تحسبن السالفه كلها لعب اصحى معي علشان يصحى ضميرك اللي تحبه صعب شوي ينحب قله يروح كثر الله خيره تدري شنو يذبح القلب ياقلب انك تحب إنسان يحب غيرك |
| الساعة الآن 07:26 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2025 DragonByte Technologies Ltd.