https://www.youtube.com/watch?v=Mz47AumkchM وردة الجزائرية صوتك ناداني **** كلمات عمر بطيشة الحان : صلاح الشرنوبي ***** صوتك ناداني وسط انشغالي واخدني من الناس والوجود سرحت بينهم ونسيت عيونهم ورحت عالم مالوش حدود لقيتني فجأة بدوب في صوتك ساعة سلامك حاولت أداري لكن خدتني رقة كلامك أتاري كل العيون عليه قاعدين بيقروا كلام عينيه عايزين يقولوا ويسألوني من دا اللي صوته خطف عيوني مين .. مين ... مين ... دي أحلى مرة ... أحلى مرة سمعت فيها ... كلمة بحبك وسكت لما قلت لي .. قلت لي .. مين اللي جنبك وتهت ثانية .. وراها ثانية ... وراها ثانية وسبت صوتك ياخدني منهم .. لأحلى دنيا خلصت مكالمة .. كاملة ناعمة .. بأحلى ضحكة .. وأحلى كلمة .. لكن حقيقي .. كان نفسي أقلك .. بأعلى صوتي ... وأنا .... أنا ..... أنا بحبك ... ****** |
https://www.youtube.com/watch?v=f6GU1JInodE
وردة الجزائرية لو محتاج لي ***** كلمات عمر بطيشةالحان صلاح الشرنوبي ****** لو محتاج لي أرجوك قل لي مش محتاجة سبب تنده لي ليه تتأخر ولا تفكر ده انت حياتي وشمسي وضلي بعد نار و فراق قلبي ليك مشتاق ولقاك أجمل شىء يحصل لي ده لقاك أجمل شىء يحصل لي ليه الحزن اللي في عينيك ازاي وانا فين من دنا افديك ليه تتعب انت لوحدك انده لي أهونها عليك ده انا من حبي ولهفة قلبي باستناك لو يوم تحتاج لي بعد نار وفراق قلبي ليك مشتاق ولقاك أجمل شىء يحصل لي ده لقاك أجمل شىء يحصل لي لو محتاج لي أرجوك قل لي مش محتاجه سبب تنده لي ليه تتأخر ولا تفكر ده انت حياتي وشمسي وضلي مين اقرب مني... قول يا اللي أغلى م العين ليه تهرب مني لجرحك حا تجيب قلبي أحن منين افتح قلبك أنا هو جنبك باستنى يدوب لو تشاورلي بعد نار وفراق قلبي ليك مشتاق ولقاك أجمل شىء يحصل لي ده لقاك أجمل شىء يحصل لي لو محتاج لي .. أرجوك قل لي ***** |
https://www.youtube.com/watch?v=B0_U85s884I وردة الجزائرية ح اقولك حاجه ***** كلمات حسين السيد الحان رياض السنباطي ***** ح اقول لك حاجة اسمعها وفكر فيها وانساها وقبل ما تنسى رجعها وهات الرد وياها بحبك كتير من قبلي قالوها وليل ونهار يعيدوها وفضلوا سنين يقولوها وانت ولاانت على بالك ما حدش يوم شغل يومك وعمر الليل ما شاف نومك ومهما رجعوا وقالوا لك ماحدش زيي قالها لك واديني باقولها اسمعها وهات الرد وياها بحبك بقى لي زمان وانا خايفة وعايزة اقولها مش عارفة واقولها ازاي وانا شايفة زحام الشوق على بابك أتاري قلبك الخالي بيشبه في الهوى حالي ساعتها قلت انا ف بالي ماروحش انا ليه واقولها لك واديني باقولها اسمعها وهات الرد وياها بحبك ياخوفي لو يطول وجدي واكون بابني الأمل وحدي وانا اللي الشوق على خدي كتبها لي بكلمة وانت جواها سقاها الشوق ورواها تعال نعيش فى معناها هنى قلبي وراح بال... واديني باقولها اسمعها وهات الرد وياها باحبك ******* |
https://www.youtube.com/watch?v=WudLmXjd7k8
وردة الجزائرية أناعارفه أناعارفه أناعارفه أني دخلت حياتك عارفه وشغلت بحبي أوقاتك عارفه بس انا ماقصدت اخدكمنها ولا كنت اعرف ولاشئ عنها اتاريك كان لك دنيا عايشها واناجيت خدتك من احضانها انا عارفه عارفه أيوه بحبك لكن أرجوك أبعد مهماعيوني ترجوك أصل أناخايفه عليك صدقني لواطاوعك ممكن تكرهني لوخدتك من ناس بيحبوووووووووووووووووك اناعارفه عارفه انا مش بطلب منك تختار ولا ناوية احاصرك بالافكار قبل ما تختار بيني وبينها انا حطيت نفسي في مكانها واخترت ابعد وان كان علي نار أناعارفه أناعارفه عارفه عارفه أني دخلت حياتك عارفه وشغلت بحبي أوقاتك عارفه بس انا ما قصدت اخدك منها ولا كنت اعرف ولاشئ عنها اتاريك كان لك دنيا عايشها واناجيت خدتك من احضانها أناعارفه عارفه |
https://www.youtube.com/watch?v=qg8m8wYrJkY وردة الجزائرية ياحب مين يشتري تاليف امير طعيمه والحان خالد عز حد لاقي في الزمان ده اي حد يحس بية حد لاقي في الزمان ده اي قلب يخاف عليه ليه ياقلبي ليه هى يعني جات علية واللي بعد الحب خانني طبعو ولا حيشتريه ياحب مين يشتري ومين يقول عايز زمن الأحبة انقضى وكل شيء جايز واللي بيحب بضمير بتبقى دي جزاته في الدنيا يتعب كثير ويقاسى في حياته وادينى واقفة مكانى انا بس السنين فاتو من ادى يوم في الهوا نص اللي انا اديتو وبدال منفضل سوا هد اللي انا بنيته عاهدت بيه الزمن كان اغلى من عينى وياقلبى كان التمن من عمرى وسنينى على عذابى ودمعتى يارب قوينى يا حب مين يشتري ومين يقول عايز زمن الأحبة انقضى وكل شيء جايز واللي بيحب بضمير بتبقى دي جزاته في الدنيا يتعب كثير ويقاسى في حياته |
https://www.youtube.com/watch?v=pPtfqOJ619w وردة الجزائرية ياقلبي ياعصفور ****** كلمات:حسين السيد ألحان: محمد الموجي يا قلبي يا عصفور بجناحك المكسور عايز تطير على فين يا قلبي يا مغرور طول ما الجناح مكسور كل الفضا شبرين وأقل من شبرين يا قلبي غنيت للحب كتير من غيرما تآمن فيه ومن قلب لقلب تطير واللي بيهواك ترميه يشكي لك الامه يحكي لك غرامه ولا ترحم دموعه ولا تسمع كلامه وتقول الحب ده وهم كبير دي الوقت صبحت ف ايده أسير مش قادر تبعد أبداً عنه ولا عارف تخلص أبداً منه فهمني يا مغرور بجناحك المكسور عايز تطير على فين دور في مكانك دور طول ما الجناح مكسور كل الفضا شبرين وأقل من شبرين يا قلبي الحب يا قلبي رماك على قلب مالهش امان بصفي حسابه وياك عن قلب جرحته زمان كان عايش بجرحك يشكي لك وتضحك صبحت انت تشكي والغادر بيضحك دي الوقت الماضي بتترجاه واللي انت رميته بتبكي هواه وعرفت النار م النور والكاس ازاي بيدور فهمني يا مغرور بجناحك المكسور عايز تطير على فين دور في مكانك دور طول ما الجناح مكسور كل الفضا شبرين وأقل من شبرين يا قلبي ******* |
https://www.youtube.com/watch?v=e2xBCyAm7lY وردة الجزائرية لو سألوك ****** كلمات: عبد الرحيم منصور ألحان: بليغ حمدي ******** ولا يصعب علينا الا الفراق ياعنينا يا حبيبي ايام علينا تعدي وتمر زي السحاب ناخد معـاها وندي محبه وفرح وعذاب ايام بتحكم علينا الشوك يجرح ايدينا الله يجازي الايام الله يهون علينا ويجازي الايام ولو سألوك يا حبيبي عني وعن هوايا لو سألوك ما تقولش يا حبيبي انك زعلان معايا ده لو سألوك ويعز علي العشره يا عنيه وكلام الناس علينا وتجريحهم فيا وداري على الجراح زي ما بتداري يا حبيبي على الحب والافراح وكفايه يا غالي صابره بجرح الليالي لا تشمت عذالي بي وبلي جرالي لو صدفوك صحابي وسألوك علي ما تقولش هجرت وتشمتهم فيا بيجو يزوروني عنك يسألوني عنك يسألوني عنك عنك يسألوني اسكت والدموع من حيرتي يقولولي يلي انت حبيبي ولاولا قبلك حبيبي ولا بعدك حبيبي |
https://www.youtube.com/watch?v=v04weryK3Ro وردة الجزائرية الربابه ***** الحان بليغ حمدي حلوة بلادي السمرا بلادي الحرة بلادي وانا على الربابة بغني ما املكش غير انى اغني واقول تعيشي يامصر وانا على الربابة بغني واقول ما املكش غير غنوة امل للجنود ... أمل للنصر ليكي يا مصر ليكي يا مصر حلوة بلادي وانا على الربابة بغني وابارك كل خطوة اتعدي عاالطريق الصعب .. يامصر وانا على الربابة بغني وبغني غنوة الحرية قول معايا ياشعب تحيا مصر تحيا مصر حلوة بلادي وانا على الربابة بغني عدي واغني وايه ح اكون جنب عشاقك يا مصر وانا على الربابة بغني وانت اللى ما بتنسيش شهيد هدر بدمه على التراب لمصر فداك يا مصر فداك يا مصر حلوة بلادي **** |
نواصل لاحقا باذن الله تعالى تحياتي لكل من يشرفني بمتابعته |
https://www.youtube.com/watch?v=_w42C3DIuT0 وردة الجزائرية قبل النهارده انا ياما قلت خلاص وقلت فات الوقت اتاري عمري يا ناس بيبتدي دالوقت وكأني اول مره بتبسم وكأن عمر القلب ما اتألم بتعلم الدنيا من الأول اه من الأول واغني من قلبي واتكلم وكلمة قلتها قبل النهار ده ما هيش صوتي وانا ما قلتهاش وضحكه ضحكتها قبل النهار ده ما هيش مني وانا ما ضحكتهاش وايام عشتها قبل النهار ده مهيش عمري وانا ما عشتهاش حبيبي يا حبيبي حبيبي معاك يا حبيبي عرفت ارتاح واهدى وقبلك دنيتي يا حبيبي انا ما عرفتهاش حبيبي معاك عرفت ارتاح ارتاح واهدى وقبلك دنيتي يا حبيبي انا ما عرفتهاش وقبلك كله مش محسوب عليه وقبلك ضااااعت الأيام بلاش حبيبي حبيبي حبيبي حبيبي حبيبي الفرحه لما جيت و جاتني نسيت من الفرحه اندم علي اللي فاتني وليه اندم وامتي اندم وانت باعتني الدنيا وانت اللي اشتريتني ورديت اللي ضاع مني ف ثواني وخليتني كأني حد تاني ده ما فيش للفرحه تاني مكان في قلبي وكأن الفرحه مخلوقه عشاني حبيبي حبيبي حبيبي حبيبي و قال علمت كل الدنيا تفرح واتاري الفرحه انا ما فرحتهاش لاقيت الفرحه ساكنه ف قلبي صدفه وصدقني انا ما اخترتهاش وما تمنيتشي حاجه زيك انت وحتي في المنام محلمتهاش حبيبي معاك عرفت ارتاح ارتاح واهدى أتاري احلى كلمه يا حبيبي في صوتي هيه كلمة يا حبيييبي وبتعلم معاك احب عمري وبتعلم معاك ارضى بنصيبي ما نيش عايزه من الدنيا دي حاجه حبيبي اداني منها كل حاجه واتاري الحب غير ما عرفت خالص واتاري العمر قبله قبله لا راح ولا جا يا غنوة حب ما تغنتش قبلي ومن قبلك انا ما سمعتهاش يا جنه مجمعه الأفراح في صحبه ومن قبلك انا ما دخلتهاش و قال كان قلبي عايش قبل منك واتاري قلبي عمره في يوم ما عاش حبيبي معاك عرفت ارتاح ارتاح واهدى وقبلك دنيتي يا حبيبي انا ما عرفتهاش وقبلك كله مش محسوب عليه وقبلك ضااااعت الأيام بلاش |
الساعة الآن 10:03 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.