اشوفك بعين قلبي ملاك
مايشبهك احد يانظر عيني
ومافيه احد يوصل غلاك
انتي اللي بالدنيا يكفيني
لوسليت الناس قلبي ماسلاك
وأن ضاق صدري جيتك ترضيني
لاذكرتك غنيت لك اهواك
وبينت لك حبي وحنيني
والله لعيش العمرماانساك
مايكفيك انك قلبي ونظرعيني

ساعه بعد ساعه ويوم بعد يوم
وحين بعد حين وليل بعد ليل

ورقده عقب قعده وقعده عقب نوم
وشده عقب راحه وشده عقب ويل

عالم بعد عالم وقوم بعد قوم
وناس بعد ناس وجيل بعد جيل

لوعشت في دنيا الورى دايم الدوم
حبك بقلبي ناصب له تماثيل

جسمي نحل واللي بقى جلد وعظوم
وتقول حيلك قلت ما عاد بي حيل

الأقدام تعبت يا الغضي والله علوم
لاجيت ابا امشي يارده كنها ميل

جابك لي الله وقلت يا حظ يا مقسوم
ويا ويل ويلي منك ويل على ويل

خايف تصيبك دعوة انسان مظلوم
دعى عليك بها مع تالي الليل

عيشي غدا حسرات وأمراض وهموم
واحرقت نفسي با الكتابه تهاويل

ناس ٍ تحب المضاهر .. ماعندهم حب طاهر
الا الذهب والجواهر .. التجربه علمتني

داعبيني بالأصابع داعبيني
في جبيني وضحي بصمة يديكِ
بالأصابع داعبي خافي حنيني
ماعليك من العواذل ماعليكِ

وان طرى لك تجرحيني فاجرحيني
مايضر الجرح قلب اللي يبيكِ
ناظريني ياحياتي ناظريني
شوفي الإحساس فيني ضاع فيكِ

وكان ودك ترحلين فسامحيني
ومن جبيني امسحي بصمة يديكِ
سامحيني ياحياتي ناظريني
شوفي الإحساس فيني ضاع فيكِ

ليت الزمان اللي مضى يعود
كان ماخترتك لي حبيب
وليت المشاعر كانت جنود
وامنعتني عنك مثل الغريب
وليت حبك ماكان بزود
وليتني عرفت ان أمرك عجيب
كان بنيت لقلبي حدود
ولاخليتك اقرب من قريب
اعاملك بالحب وتعاملني ببرود
الين صار كل امرٍ معك صعيب

يحن قلبي لك واتذكرك بالخير
واتذكر اوقات كانت تجمعنا
تبين الصراحه عقبك ماني بخير
وتمنيت لو من جديد الله يجمعنا
ومن عقبك الحال صارفيه تغيير
كل يوم انا وقلبي تهل عليك مدامعنا
ليتني ارجع لزمن كنت فيه صغير
اشوفك كل يوم ولافيه من يمنعنا
والله اني ماني بخيرواذكرك بالخير
ليت الزمان يجود ومن جديديجمعنا

{غيابك حيل يوجعني...ويغيب النور من عيني}

قالـوا تحبـه قلـت ما هـوب بالحيـل
بـس انه أغلـى شـوي من نـور عينـي
يسـوى جميع الجـيـل الأول وهالجيـل
أحبـائـي المـاضـييـن والمقبـلـينـي

شوقـي له أعظم من ظما الأرض للسيـل
وأشـفـق عليـه أكثـر مـن أم الجنينـي
وأحتـاج له حـاجـة ثـرى مصر للنيـل
وعليه أغـار ولـو من الـوالـدينـي

أشتـاق لـه شـوق المحـبيـن للـيـل
وأرتـاح لـه راحـة دمـوع الحـزينـي
لا صـار جنبـي لو سنـه وقتي بخيـل
ولا غـاب لو لحظـات صـارت سنينـي

قالـوا يحبـك قلـت هـذا هـو الـويـل
مـا ودي أنـشـد ثـم رفضـه يجينـي
وأهـدم رجـاي بـدبـرتي مثـل ما قيـل
والأفـضـل أحيـا بالأمـل لـو لحينـي

يا حـبكـم يا نـاس للقـال والقـيـل
الله يـجـازي جـملة الـعـاذلـيني
خلـونـي أحيـا في الوهـم يا عـواذيـل
وش دخـلكـم والأمـر بينـه وبـينـي

تقولين تعال انا لك مشتـــــاقه
وانامثلك ذابحني الشــــــوق لك
اهـ لوتدرين كيف الاشواق حراقه
واهـ لوتقولين كيف اقدر اوصـــلك
كل صبحٍ شمسه بوجهك مشراقه
وكل ليلٍ يمر سرق لون شعرك

شربت منك سم حب وعذاب
وبخلت تعطيني للسم ترياق
عذبتني ونسيت اننا احباب
مادريت ان دمي عندك يراق
واحسافة قلب في حبك ذاب
ومنزلك عنده كان في الافاق
واليوم بذوقك مر العذاب
وبشيل حبك من داخل الاعماق
وبشكيك عند مسبب الاسباب
يجازيك اضعاف يوم تنشف الارياق

تعبث بروحي وتمطرها حزناً
فجودك بالاحزان لي ظلماً

ولِما جعلت حبي لك وهماً
وكانك لم تحببني بحياتك يوماً

اطل صدودك عني مهما شئت
فانت تعذب روحاً وجسداً وقلباً

انا لم اشئ البعد عنك في حياتي
فانت من ابعدتني عنك قسراً

فوالله احبك مهما عملت بي
وارى ظلم الحبيب بعيناي شهداً




نهيان

135

الامبراطوره

اشكرك على اضائتك مدونتي المتواضعه
ومشاركاتك الرائعه المميزه
ان شاء الله نزور المغرب ونشاهد كل ماهو جميل وفريد
بس لازم نعرف الموقع للاسواق الشعبيه
لاتبخلي بالمزيد من مشاركاتك
دمتي في رعاية الله
وبسعاده لاتفارقك ماحييتي