نجمة سهيل 06-29-2013 12:59 AM ما أبخل من الأب إلا الولد ..   هذا رجال بخيل جداً , جاء عنده ضيف ونادى البخيل ولده .. وقال له : يا ولدي عندنا ضيف عزيز على قلبي ، رح للسوق واشتر لنا لحم . أحسن لحم في السوق . ( طبعاً الضيف يسمع ) راح الولدللسوق.. وبعد مدة رجع لكنه ما اشترى شي.. !! سأله أبوه: وين اللحم اللي وصيتك..؟ قال الولد: رحت للجزار وقلت له: عطني أحسن ما عندك من اللحم .. قالالجزار: بعطيك لحم كأنه زبده .. قلت لنفسي إذا كان كذا ليش ما أشتري الزبده بدل اللحم .. رحت للبقاله .. وقلت له: عطني أحسن ما عندك من الزبده .. قال راعي البقاله : أعطيك زبده كأنها دبس من حلاوتها .. قلت في نفسي : إذا كان الموضوع كذا أحسن شي أروح اشتري الدبس .. رحت لراعي الدبس .. وقلت له : عطني أحسن ماعندك من الدبس .. فقال الرجل: أعطيك « دبس » كأنه الماء الصافي .. فقلت لنفسي: إذا كانت السالفة كذا فعندنا ماء صافي في البيت .. عشان كذا رجعت وما أشتريت شي .. قال له أبوه : ما شاء الله عليك ياولدي بعدي والله .. انت كريم مثل ابوك .. والضيف يسمع .. ووجهه يتقلب من القهر .. الأب قال في اذن ولده : بس فاتك شئ ياولدي ، تراك كديت نعالك وقطعتها من كثر المطامر من دكان لدكان .. قال الولد : افا عليك يايبه .. لا تخاف.. أنا لبست نعال الضيف‏..

صآحبة آلفخآمهَ 06-30-2013 02:25 AM سلمت يدآك .. يعطيك ربي ألف عافيه بإنتظار جديدك بكل شوق .. لك مني جزيل الشكر والتقدير .. ..}~ مودتي

نبض القلوب 06-30-2013 02:54 AM حاتم الطائي بعينة وش هـ البخل سلمت هاالايادي ع القصة الرائعة لاعدمنا التميز وروعة الاختيار ومجهود تشكري عليه ودي وعبير وردي http://www.h777h.com/pic/102.gif

نجمة سهيل 07-03-2013 11:54 PM لا خلا ولا عدم من تواجدكم ونبض احساسكم الجميل ودمتم بحفظ الله

الساعة الآن 02:36 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

 ملاحظة: كل مايكتب في هذا المنتدى لا يعبر عن رأي إدارة الموقع أو الأعضاء بل يعبر عن رأي كاتبه فقط

دعم وتطوير نواف كلك غلا