 |
منتديات سكون القمر
(https://www.skoon-elqmar.com/vb//index.php)
- ۩۞۩{ الشعر والقصائد}۩۞۩
(https://www.skoon-elqmar.com/vb//forumdisplay.php?f=137)
- - روائع الشعر العراقي/كاظم اسماعيل كاطع/إتريٌكَت باكَة صبر وكَلاص هم
(https://www.skoon-elqmar.com/vb//showthread.php?t=206328)
روائع الشعر العراقي/كاظم اسماعيل كاطع/إتريٌكَت باكَة صبر وكَلاص هم
بسم الله الرحمن الرحيم اللهم صل على محمد وعلى آله وصحبه أجمعين
إتريٌكَت باكَة صبر وكَلاص هم وتوكلت يارب عليــــــــك غبشه . نَعسانه الشوارع ومدري يانثيه إبفجر دم تشتهيـــك إتذكـٌرت تاجر أعرفه كَلـٌي من إتبيع روحك مرلي بلكت أشتريـك وتمــٌت الصفقه إشتراني وحصـٌتي هم رد أخذهــا فكــٌر إبمشروع بي أدخــل شريك !! وصــار يمليلي إبشروطه .. ما أريد و .. ما أريــد وما أريد إييــدك طويله كَتله أكَــصرها وأجيـــك وابترتها من المتن ورجعت ابشره كَتله عد عينك شلتها!! كَــالٌي جا شِلٌي بيــك جَــراٌح الحصـــــــار ومن هــذاك اليوم والتاجر نسه وسد القضيه وآنه منسي .. إمعلٌك إعله إرفوف صبري وحتــى صار إتراب بيــــه راحت إييدي إتفلِشٌت أقوى الدفاعات وخطوطي الأوليـــــه ناس مقهوره إجت تبجي عليـــه وناس بطرانه إجت تحجي عليـــه ؟ إشلون غلطه إتسرعت كَصٌيت إديـــه ... هاي إديـــٌه ... هاي إديـــٌه صار تفتيش بسنه من السنين وعوضٌت عن الهويــــــه هاي إديـــه ياما لعبت .. ياما قبل الريح هبٌت ياما بصدور الثلج نيران هبـٌت هاي إديــٌه وهيه مكَصوصه شعر للناس كتبت وصـٌفوا جراٌح زين إبمنطقتنا حرٌكوا بعض الرماد إبعود شخاط وبعدها النار بيـــه عفيه جراٌح الحصار البي حميـــٌه وحده يكَدر يكَطع الخيط اللٌي يربطني إبشرايين المنيـــه ... إتفقنا وصارت الصفقه بعيادة هالطبيب !! آخذ إييــد و أنطي كِليــه وباشر الجراح وتمدد شخص مو من أهلنه وخِذ دم وجيب دم وإصعد إنزل والوسيط الجابني إيصبــٌر عليه خِلَصْ مفعول المخدٌر فتٌحتْ ملكَيـــت إديــٌه !! حصدوا الكليه ولا زرعولي إييد وقٌع الدكتور تقرير إبنسختين وتركنه ولازم الفراش باب الصيدليه الكادر إتجمٌع على أهل الغريب إيهنٌي بيهم وآنه بالسديه نسوني وياحزن ذيج المسيه والمضمد راد حكَــــٌه!! كَتله مد إييدك إبجيبي لا.. لا مد إييدك إبصدري يجوز هم تحتاج ريـــٌه جابلي الفراش سر وعرفت منـٌه تفاصيل القضيه المريض الجان يمـٌي كليـِتي رهمت عليه وإييده مارهمت عليه وأهلي زعلوا طرٌدوني من العشيره ومن فشلتي كَمت أصيــح آنه مامحتاج إديـــن إنتو شعليكم بدَيـــــــٌه إتبرٌعت بيهن لأن ماريد يوم أتوازى وأتنازل وأمد للناس إديــــــٌه |
شكرا لما جاد به قلمك
احسنت النشر |
اقتباس:
المشاركة الأصلية كتبت بواسطة انثى برائحة الورد https://www.skoon-elqmar.com/vb/Rmda...s/viewpost.gif شكرا لما جاد به قلمك احسنت النشر الشكر لك أختنا الغالية على المرور الطيب الراقي ....بحبرك المميز أنرت المكان ....يا طيبة سلامي وتحيتي |
طرح رائع وإنتقاء جميل لاحرمنا منك ولامن ابداعك بانتظار جديدك المميز دمت بسعادة غامرة |
صح الله السان شاعرها وناقلها
صح ذوقك واحساسك سلمت على اختيارك الذوق يعطيك العافيه ننتظر جديدك فلاتبخل |
يعطيك العافية
سلمت يمناك على هذا الطرح الرائع ننتظر جديدك بكل شوق شكرا لروعة ما طرحتي مودتي |
| الساعة الآن 09:36 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.