منتديات سكون القمر - .. ليتني قربك..

منتديات سكون القمر (https://www.skoon-elqmar.com/vb//index.php)

- ۩۞۩{ الشعر والقصائد}۩۞۩ (https://www.skoon-elqmar.com/vb//forumdisplay.php?f=137)

- - .. ليتني قربك.. (https://www.skoon-elqmar.com/vb//showthread.php?t=6591)

.. ليتني قربك..

من غلاتك .. ليتني قربك وأضمّك واحتويك
ومن حلاتك .. صرت أنا الحاسد أجوع وماشْبعك

والله أنّي أحْسد النسمة إذا مرّت عليك
وأحْسد عطورك وذاك الخاتم اللي باصبعك

وأحْسد خطوط الكفوف اللي تحلّت في يديك
وأحْسد اللي في حياته عايش ٍ عمره معك

وأحْسد الضحكة إلى منْ غازَلَتْها شفّتيك
وأحْسد الكلمة إلى من نوّخت في مسمعك

وأحسْد الأشياء لامنْ لامستها راحتيك
وأحسْد لباس ٍ يضمّك في وسَطْهُ ويجمعك

وأحْسد اللي جاد حظّه وألتقى في ناظريك
وأحْسد دموع ٍ تحدّر يالغلا من مدمعك

وش بقى يعني واحَسْده منك يالغالي وفيك ؟؟
حتّى ظلّك قد حسدته يوم شفته يتبعك !!

سمّني عقب الحكي هذا "( الحسود اللي يبيك )"
مابقى غير إنّي أحسد نفسي لو أجلس معك

من غلاتك .. ليتني قربكوأضمّك واحتويك
ومن حلاتك .. صرت أنا الحاسد أجوع وماشْبعك

لا ياتي الرائع الا بالرائع وانتي في قمة الروعه اصوله
صح لسان قائلها وسلمت يمنينك لنقلها
والله لا يحرمنا هالذائقه الراقيه
كوني بخير

كلمات رائعة غلاتي
صح لسان قائلها وتسلم يدينك لنقلها

يع ــطيك الع ــآفية
ولآ ع ــدمنآ تميز انآملك الذهبية
دمت ودآم بح ــر عطآئك بمآ يطرح متميزآ
بنتظآر القآدم بشووق
مآآآآآنـــــنـــحرم من جديد آلمتميز
لروح ــك بآقآت من الجوري