خسارة ما توقعتك ولا ظنيت تقسى على خويك انت في يوم يالغالي





خسارة وانته الي خسرت محبة وحب وروح انسان باع الكل لرضاك





وأنا لا كثرت همومك وضاق فيك هالكون أحس كل هالكون ضايقن فيني





هذاك أول وانا أراضي هذاك أول وأنا يا فلان توأم روحي أسميك





أنا عطيتك كل ما أملكه من حب ووفا وغلا وأخفيته عن ناس تبغاني





وانته أشوف منك خوافي كثيرة أثرك تجاملني روح الله يجازيك





هالدنيا والله كلها عجايب حتى رفيق العمر قدر الصداقة ما يراعي





حرام شعري أكتبه والله فيك وكل دمعة طاحت من عيوني عشانك





تزعل وتبين لي أنك انسان حساس وين الاحساس يوم انك تجافي؟





ان كنت تظن في يوم انه مالي في هالدنيا شخص أعزه حيل سواك





دنياي وسيعة وخلق الله يا فلان كثار أكيد فيهم من يكون بعيني الغالي





الوداع برحل ومثل ماتجافي بجافيك يعني افهمها أنا ببعد وعادي بخليك





نفسي علي والله غالية وما جابته أمه الي في يوم يحاول وبفكر يذلني





سؤال أخير ولا غيره في قصيدي بسألك من هو الذي من بعدي يواسيك ؟؟