يايمه ليتك حيّه وتشوفي حالي
تشوفي وش هو صار من بعد فرقاك
صار الوطن بعدك من الناس خالي
صار... ( الوطن غربه ) بعد مافقدناك
يايمه أنا بعدّك سهير الليالي
مقهوره من دنيّاي منّا.... ومنّاك !
حدتني الدنيا وأنا راس مالي
إني ... عزيز النفس . مثلك وشرواك
مافيه شيٍ في حياتي صفالي
حتى . الورود . إن جيتها صارت أشواك
أطيح واحمولي عليّ إثقالي
وأتخيلك مديت لي كف , يمناك
بعدّك ولامره ترى إرتاح بالي
أصفّق على كفي ندم وآتحراك
من ضيقتي ياكّم أصّدق خيالي
وأقوم أدوّر عنّك وآقول بـالقاك
أضيع بالعالم وهمي سؤالي ؟
هو أنت ؟ وينك ؟ ليه ماعاد شفناك ؟
أدري لو إنك حيه ياعز غالي
يمديك.. تفزع قبل.. ماجيك وانخاك
<< الله يرحمه ويرحم جميع اموات المسلمين والمسلمات >>