يـا إلـهـي .. أسـألـك .. لا تقطـعـه
*****عـن معالـم هالـغـرام بْـكـل نــوب

لي وليـف ٍ زعـزع امسـي .. زعزعـه
*****من مشارق عشق لمفـارق غـروب .. !!

مــن عرفـتـه بالجـهـات الأربـعـه
*****صـار دربـي باتّجاهـه فالـدروب .. !!

والدليل : انّي فْ( غياباتـه ) معـه .. !!
*****ولو اغيب يْكون ( حاضرني ) واذوب .. !!

جيـت لـه مشتـاااق .. نـار ٍ مُولِـعـه
*****جاحد امْسي .. مؤمن وْكلّي ذنـوب .. !!

فــي مسافـاتـي .. تعلّـمـت اتبـعـه
*****في شمال ٍ صـار بعْيونـه جنـوب .. !!

مـن خلـود العشـق .. لحْـدود السعـه
*****صرت احس ان الزمـن مـا بـه عيـوب