دريت ان الوفا أصبح نهار ندفنه باليل
ودريت ان الصدق كذبه مثل كذبة مواويلي

وعرفت ان الأمل خيط تعلق به ضعيف الحيل
وانا أول من تعلق به وانا ادري فيه تضليلي

يموت الحلم في عيني وتشيله دمعتي وتسيل
ملامح وجهي دموع تعزيها مناديلي



غيرك امانه خوف والخوف امانك
ماكل من راعـاك تقـدر تراعيـه
حتى لو عليت بالقــلب شانـك
ابقى يتيم الحـب جرحي اقاسيـه
اعــذرك لا حطيت نفسي مكانك
لا صرت فاقد شي وشلون تعطيـه



وآخـــــــيراً


هذي حياتي بين حرف وكلمات

ياللي نشدتني وراك انت مغتم ؟

في غيابك شكيت = من بعادك بكيت
ليتني من عرفتك= في حياتك بقيت
أنت حلمي قتلته= بعد ما أنا بديت
غيركم ما أريده= بس ليتك رضيت
لا أطالب بهدنة= لا تقول انتهيت
أنت والله عندي= في فؤادي سميت
مبلغ الروح مني= أنت وحدك وليت
بعتني يا حبيبي= وأنا حبك شريت
ليتني بس اعرف= تهمتي وش جنيت
ليش يا خل تنسى= صفحتي قد طويت
خاف ربك وارجع= حوه يا كم بكيت
عهدي اللي نسيته= عادني ما نسيت
كلما قلت وينك= قلت لي وش بغيت
كيف تقوى لهجري= لو أنا ما قويت
لاتجادل وتنكر= بعد ما انته سخيت
في حياتي هويتك= وأنت ليتك وفيت
ما يفيدك لموتي= دمع مهما بكيت