أحبك طول العمر وعمري كله فداك أحبك و أعشقك و تفداك كل سنيني

أحبك ومهما أقول ما أعبر عن غلاك أحبك طول العمر وعمري ما يكفيني



أعشق ليلك و أموت و أدفى من دفاك ودي أضمك سنين العمر بين ايديني

أعشق خدك و أموت لما أتنفس هواك نفسي أشمك أيـام الدهر يانور عيني



أعشق لونك وأهـوى بوسـة شفاك نفسي أبوس شفاتك عساها تشفيني

أحبك موت وأعشق أرضـك وسماك أحبك موت ياسارق شوقي و حنيني



أحبك فـوق وتـحت وهنا وهناك أحبك لـما أجيك و أحبك لما تجيني

أحبك ياعسى الهـم و الموت ينساك أحبك و مافي أحد عنك يقدر ينسيني


يدها على خدها .. حسبي الله على خدها .. كلمات د. أديب بازهيـر

حاطه يـدّهـا على خـدّهـا بغـرور تناظـر وبنص عيـن

منغرّه بحلاها ميـن قدّهــا معاهـا حق تنغر بهالزيــن



فكـرت ألتمس مـن ودّهـا قلت أبـي أسألهـا سؤاليـن

مشيت وأسئلتـي أردّدهــا عشان مـابي أنحرج بعديـن



ويوم شفتهـا ذبت في خدّهـا ليـن راح سؤالي مدري ويـن

دخت منها يلعـن أبو جدّهـا وقلت والله انـك تـهبليـن



أنـا ارتبكت وخوفي شدّهـا لا وما سكت قلتهـا مرتيـن

وقتها ارتجفت وخفت صدّهـا انحـرجت وموقفي صار شيـن



أنا مدري ليه رحت عندهــا وليه أنــا نسيت السؤاليـن

ومدري ليه ماجاني ردّهــا وليه أنـا بس قلت كلمتيـن



ليه على الإحراج أحِدّهــا أنا الحيـن أودّي وجهي ويـن

بسرعه قبل لا توصل حدّهـا خلينـي أعتـذر لها الحيـن



وأقولّـهـا اني مـا أقصدهـا ويخـلق مـن الشبه أربعيـن

وحسبي الله عـلـى خدّهــا وحسبي الله علـى السؤاليـن