ياصاحبي وشفيك قاعد لحالك
ليش انت متغير ومشغول بالك
صارحني قاسمني عناك وهمومك
ما اطيق اشوفك متعب الهم حالك

ياصاحبي ضاقت علي اليالي
بلي شغل قلبي وفكري وبالي
خوفي اسولف واخسر انسان غالي
يا اخسرك او اخسر الي في بالي

ياصاحبي وشفيك
ياصاحبي مهموم
ما اطيق اشوفك متعب الهم حالك

حيرتني واحترت بالي تقوله
وان كان عندك سر بالله قوله
ماعااش من يخسر غلاك بسهوله
ولا عاش من يقطع في عمره وصالك

خايف اقول واصدم احساس قلبك
واحد لعب بي بالغرام ولعب بك
هو حبني وانت تفكر يحبك
لاهو وفى لحبي ولا هو وفا بك

ياصاحبي وشفيك
ياصاحبي تعبان
ما اطيق اشوفك متعب الهم حالك

يعني انت وانت بهالحب ضعنه
والي نحبه ياخساره خدعنا
مثل غرامه وامثل الكون معنا
والغدر طال احساس قلبي وطعنه

هذا الذي هو صار بينك وبيني
واسهر عيونك بغرامه وعيني
كلمه احبك الي تجي لك تجيني
والشوق نفس الشوق جاني وجا لك

ياصاحبي وشفيك
والله تعبان
ما اطيق اشوفك متعب الهم حالك

ياصاحبي مهما تكون الحقيقه
او تشتعل بالقلب ميه حريقه
انا من الي صعب يخسر رفيقه
لا ابدل المحبه ولا ابدل بدالك

وانا من اجل الحب مااخسر رفيقي
ولا اغير عن طريقه طريقي
والي جمعني بك حب حقيقي
لك ماتبي حتى حياتي فدا لك

ياصاحبي وشفيك
لالا لا يهمك
ما اطيق اشوفك متعب الهم حالك