يابنت لو تتغيري ماتغيرت
احفظ علومي ماتغير طباعي
لو حرت في دنياك انا ماتحيرت
احبكم يابنت والحب شاعي
وما جور واللة ياحبيبي ولو جرت
انا طول عمري لك مداري وراعي
بس البلاء يازين واللة يوم صرت
دكتورت(ن) تفهم بعلم اجتماعي
وانا عن ركوب الدرسة تأخرت
ماعندي الا اولى ابتدائي استماعي
ثم قلتي انت امي غبي ماتمررت
من الدراسة كل مافيك ضاعي
بصراحة اعذرني لو انك تأثرت
معك حياتي مالها اي داعي
تدرين وش بقول ياللي تشطرت
انا جعلتك تصبح انسان واعي
واليوم انا جنيت يومك تعذرت
تتعذريني وانا لك دوم راعي
اية صح صح انا ياحبيبي تذكرت
نسيت اضمك واحضنك بأندفاعي
ومن قراراتك ابد ماتكدرت
مادام جفني ابيذوق الهجاعي
لك عندي وداعة وفا لو تكرمت
صفعة شقا قدام تنوي الوداعي