الاياصاحبي طالت بك الغيبة عساك بخيـر
ترى قلبي من غيابك حزين وفاقد شعوره
،،
توسّــدت الألم لمّـا بكـــاك الــحب والـتـقـديـر
ووجهي من شقى بُعدك تـجهّم وانطفى نوره
،،
ألا ليت اللقى يشرى وابيع العمر بالي يصير
واشوفك بس لو لحظة تردّ الروح مسروره
،،
أنا لي صاحب ٍ ما ارضى أبدّل خوّته بالغير
وفيُّ وقفته مثل الصبا والارض ممــطورة
،،
تخاوينا على وضح النقى ياصاحبي والخير
على شرع الوفا نمشي ونوقف عند دستورة