غابت ولا ادري ليه ولا على وين==راحت وخلتني وحيدن لحالي
قلت الصبر ياســـــــلطان طبع المحبين==والله يرجع كل غالي لغالي
وهي تعرف انها لو اتغيب يومين==غدت علي كنها سنينن طوالي
ياعين هلّي الدمع تكفين ياعين==من حرقتن بالجوف جابت اهبالي
اسهر طوال الليل والناس ممسين==عزّي لمن مثلي وانا عزتالي
امن اولّن لاضقت من عيشة الشين==عينتها قدام عيني وبالي
والحين لامن ضقت لدّيت بالعين=وقمت آتشوّف صاحبي بري حالي
الى متى ياشوق لي ابتردين==وانسى بشوفش كل شي جرالي
وصبرت انا بالهم والضيق شهرين==ولا لقيت اللي يكون الدوى لي
وغدا علي شهرين في حسبة اسنين==ولاترك قلبي همومه وشالي
ولولا السحا واحساب ناسن عزيزين==اني لصيّح باسمها بالعلالي
واقول انا ياناس قولولي الحين==هي وينها تكفون روفو بحالي
يارب ياقابل صلاة المصلين==فرّح فوادي يامجيب السؤالي
وفجأه كذا بالليل والناس ممسين==لمحت انا الجوال فيه اتصالي
وردّيت بالجوال ثم قلت انا مين==قالت علومي ماتسّر الغوالي
ثم قلت وشقومش حزينه وتبكين==وانتي من انتي؟لاتزيدي اخبالي
قالت تركّد واذكر الله ولا تبين==واصبر على الضيقات يبن الحلالي
والموت حق وكل نفسن لها حين==واطلب لها المولى عظيم الجلالي
ثم قلت وش قصدش وش انتي تقولين==قالت فلانه قد خذاها الزوالي
ماتت وجوالك ادورّه شهرين==ثم سكرت مني وجاني هبالي