أوفيت في تجريـح قلبـي وكفيـت
قلب يحبك وأصبح اليـوم مطعـون
حبيت غيري وعـن هوانـا تخليـت
وأول حلفـت وقلـت والله مااخـون
الله وأكـبـر ياحبيـبـي تناسـيـت
حب جمعنا وأغلب النـاس يـدرون
أول خفوقـي بالمحبـه لكـم بيـت
واليوم بأشباح الحزن صار مسكـون
كم مـره فـي تالـي الليـل ونيـت
وكل الحشا في داخله جرح وطعـون
لاشفت عذالي من الضحـك سويـت
نفسي سعيد وداخلي حـزن مكنـون
أول تبادلـنـي الـغـلا ماتغلـيـت
واليوم عندك يرخص الحب ويهـون
مدري زعل ياصاحبي يومك ابطيـت
عن صاحب يحفظ لك الحب ويصون
ابشر خفوقي قـد نساكـم ولاقيـت
شخص وفي صادق الحـب مزيـون
مليت تعذيبـك وانـا منـك مليـت
وشلون اسامح جارح القلب وشلـون
من عقب ماني في غيابـك تهنيـت
تبغاني ارجع للحزن انـت مجنـون
وين انت يوم اني نخيتـك وناديـت
توه طلع لك ,, سمع واحساس وعيون
تدري به امرا واحـدا فيـك حبيـت
ويمكن عشانه صرت لك حيل ممنون
اني عزفت اجمل قصايـد ورديـت
واصبحت اكتب شعر والناس يقرون