وينك عسى ماشر وينك سلامات
عسا خفوقك ماتغير شعوره
رحتي وغبتي والأمل فيني مامات
حتى المشاعر منك فاحت عطوره
يسألني قلبي هاه اليوم ماجات
وارد له ياقلبي للوقت دوره
قد لي شهور انطرك وبالقلب حسرات
بكل يوم يذبح القلب جوره
شف في غيابك كم دقايق وحزات
اتعب بها واشتاق وجرحي يثوره
وشف كم تغيب أيام ولا كأن شي فات
غايب بزولك والمشاعر حضوره
تعال أشوفك عطني العمر لحظات
وخذها سنيني ومابقت من شهوره