لك كم سنة تسأل وأنا أقول بعدين,,
لاعاد تسألني عن أسباب هالصمت
بيني وبين الصمت عشرة من سنين,,
وأخاف أخون الصمت لامن تكلمت
بعض الحكي يوجع ولو كان حرفين,,
وش ينفعك لامن حكيت وتندمت؟!
واجد جروحي بس والله غاليييييين,,
من كثر ماأغليهم لياشفتهم قمت
جرحي لياأقبل قلت ياجرحي أهليييين,,
معروفه اني من عذابه تألمت
ولا زماني لو ضحك عارفه زيييين,,
ماهوب يبطي لو بوجهه تبسمت
لاعاد أجل تطرح عليا سؤالين,,
وش فيك ماتضحك؟؟وش فيك مانمت؟