مابي غرامك وانا بعيش من دونك
لقيت غيرك وانا والله حبيته

عالي مقامه ولونه احلى من لونك
القلب شالك وسط القلب حطيته

ابتركك للزمن وتشوف بعيونك
عشان تذكر حبيبك يوم خليته

باكر اليا شفت زولي تبكي عيونك
وتنادي اسمي وكني ماتوحيته

والله ترى الناس هذي مايسرونك
واليوم قلبي على الهجران وصيته

خلك معاهم عساهم مايردونك
عشان تندم على كل شي سويته

اتصدق اني قبل متولع بكونك
والحين قلبي على فرقاك حديته

من كثر ماكنت احبك مقدر اخونك
ياليت ذاك الزمان يعود ياليته

لاتنثر الدمع هونك ياحلو هونك
لو تطلب البعد لعيونك تعديته

قلبك تغير وانا بخيب اظنونك
يالله توكل ترى حبك تناسيته

خلاص مابيك انا بعيش بدونك
غيرك لقيته وانا والله حبيته