أصبر و وقتـك لو يخونك وفيتـــــــــك


. هذي مِكاتيبي ، وهذي بِقاياي ؛
تلْقاني فيها لا ولهت.. وطريتك .


. دوّر على أللي يربطك في حشاياي
أن جابتك ضيقة.. وظنّك نسيتك .


. حيّه (تِفاصيلك) وتنبض زواياي
ياما بغيابك جيتها -ثُم- لقيتك ! .


. ماغبْت عن روحي واذا غبْت وياي
شفْني مَعَ نفسي رحلت.. وخذيتك .


. لا يكْسرك همّك وخوفك من الجاي
أصْبر.. ووقتك لو يخونك/ وفيتك .


. بنيت لك عرش ٍ ولجْلك حناياي
ماطيّحت عرشك وفيني وطيتك ! .


. صرحك أحاسيسي وصوبك عطاياي
يا قلّها بعيني كِثر ماعطيتك ! .


. تبْقى تِفاصيلي ، وتبْقى وصاياي
أللي عليك -أمّنتها- لا طريتك !
، .
. أللي عَليْ -حلّفتها- لا طريتك ! .