القصيده


‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘


ترى الجفا منبوذ ،، مابين الأحباب

وترى الوصل ، مابين الأحباب غايه








والهجر ،، عمره مافتح ، للأمل باب

والبـُـعد دايم ، سبــّــتـه ،، من وشايه








مسكين ياقلب(ن) ،، من الحـّـب منصاب

يكفيه همه ،، دام هذي البدايه








جرح البدايه ،، يالغلا ، مابعد طاب

طيب أجل وشلون هي النهايه ؟








أدري جمالك غير ،، ياسّحر جذاب

بس الجمال اليوم ،، ماهو كفايه








كنت أعشقك ، وأموت في ذيك الأهداب

وكان الغلا ، متغلغل(ن) ، في حشايه








فَـضـّـلت قـُـربك ،، ياحبيبي عن أقراب

وشـّــيدت في قلبي ، لحبك بنايه








كنت فعيوني غير ،، والظن بك خاب

وركزت لك بين المعاليق رايه








بس أكتشفت ، أنك مع الوقت ، كذاب

والحـُـب عندك ، تسليه مع هوايه








عشنا حبايب ،، لكن اليوم أغراب

حــُـبك رميته ،، ياحبيبي ورايه








قصه غريبه ،، والوفاء فيها قد غاب

عشت الغدر والكذب ، فأغرب روايه







ذكرى غرامك ، أنقفل دونها أبواب

ياسبة أحزاني ،، وسبة شقايه








في عشق مثلك ،، قلبي ياصاحبي تاب

مثلك أبدعيله ،، دروب الهدايه







وأن جيت نادم ،، وأدري الشوق غلاب

وتبغى العفو مني ،، وتبغى رضايه ؟؟







بقول ياخاين ،، ترى الجرح ماطاب

في هالزمن مثلك ،، وجوده جنايه







غروك ناس(ن) ، تعتبرهم ، لك أصحاب

وخلوك وحدك ،، عايش أسوأ نهايه




‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
وسلامتكم