من السهل أن تحب الناس ولكن من الصعب أن

تجبر الناس على حبك

‏
تسري بقلبي ذكريات الحزن والليل الطويل
حتى المنام اللي جفا جفني غدا صعب المنال

اليا تذكرت الزمان اللي جمعنا بالخليل
أحس باحساس الغريب اللي تولع بالمحال

كم دمعة كفكفتها بالحزن والهم الثقيل
تذرف على ذكرى الصديق اللي سكن قلبي ونال

أزريت اشيل هموم قلب كان من بعدك عليل
ثقل الليالي اتعبت قلبي وانا أهوى الثقال

ذكراك حطت في ضميري عبرة الطرف الكليل
حتى زماني يشتكي لي من يميني والشمال

عبرة حنين وذكريا وشوق وأحلام العليل
صارت حروف البسمه له بين الشفاه من الخيال

آمال يا اللي يحتفي فيها خفوقي حلم ليل
والنور شع من الجبين الي تولع بالجلال

مرت سنه وعدة شهور وذكرياتي ما تميل
ما زلت اقول انك بقلبي راسخ مثل الجبال

تسري بقلبي ذكريات الحزن والليل الطويل
حتى المنام اللي جفا جفني غدا صعب المنال

اليا تذكرت الزمان اللي جمعنا بالخليل
أحس باحساس الغريب اللي تولع بالمحال