قلبي علي الغالي دوخني بكثر نبضات دقاته
سرعة النبضات تتعبني ارحم خويك وعلاته
الشوق يصرخ من الالام طالع بوجهي علاماته
ماكنت في هويتي داري حتى لفتني صباحاته
من عقبها طحت للشوشة ماصرت اصبر عن عويناته
شكلي تشنكلت من رمحه اوجعت اعضاي طعناته
حسنه اسرني و مرمحني واللي عجبني ابتساماته
خده اسيل وشعره ليل يكسو الظلام بطياته
ياطير سلم على الرعبوب اعد لنا تغريداته
الزهرثغره لها يفتح يبتسم للمجمول من ذاته
كانت عيونه تسولف لي وانا عيوني على شفاته
اتوه بين العباره والمنطق واطيح ميت بنظراته
راحت بعدها انا ضايع انتظر بالاحلام جياته
مع السلامة قلبي لها قال يغفر الرحمن زلاته
بقلمي