ماذقت من الحب غير عذاب وحره
ماعدت اصدق الامل وطول انتظاره

انجرحت منه كثير مره ورى مره
مافكرت اجرحه دوم حافظ اعتباره

ويل قلب جرته الهموم الف جره
والقلب مهموم وحان احتضاره

والشوق لازاد يفضح البوح سره
ومن كثر الدمع جفني يطلب ثاره

العين ماتكتفي بشوفك مقدار ذره
والنفس ماعاد تطربها البشاره

الناس مسروره وعمري ماشفت مسره
وان تذكرت مامضى تذبحني المراره

هذا انت دوم تهديني المضره
ولايهمك قلبي وحبي وانهياره

ترى القلب ماكل زولٍ يغره
والمهموم يصفق يمينه بيساره

عسى الله يكفيني من الشوق شره
وعساه مايذوق النوم ليله ونهاره

من مكر وحكافيني وين مفره
لجهنم مهما راح هو مساره

ياهيه انا نفسي عزيزه وحره
مهما طحت ماترهبني الخساره

يالواشي سمك في فمك صره
ومن جوك السام اشرب غباره

ياجارحي عسى درب السعاده ماتمره
وعسى ربي يغشي على عيونك ستاره

والعتب مرفوض منك لاتشره
من تبع درب ابليس تنعاف داره