منتديات سكون القمر - عرض مشاركة واحدة

11-18-2020, 04:41 AM

شفتها صدفه ولاعرفتها
السنين نستنى ملامحها
ونستني حتى صوتها
والخمار كان حاجز بيني وبين وجهها
بس دق قلبي دقات غريبه
يوم قالت لي اسمها
جاني الماضي في دقيقه
وتذكرت كل شي دار بيننا
من لعبنا وضحكنا والفطره لباسنا
تذكرت نغمات الحنين في صوتها
تذكرت يوم كنت احسد رنة الخلخال في رجلها
وكنت اغار من الخاتم والاساور في يديها
َوساعتها وسلسال يزين نحرها
وكنت اقول ليتني الحنه اللي في يديها
عشان ما افارقها لحظه من حياتي
وراحت السكره وجات الفكره
تذكرت الأسباب اللي فرقتنا
اسباب سلبت منا الحياه
ولكن فجئه بعد طول السنين رجعتنا
بس كل واحد مننا سلك طريق غير
وعيشته صارت غير
وكل شي قديم اليوم صار غير
دنيا ماتجي على مانريد
تفرق احباب وتجمع احباب
وقمر المحبه اختفى غاب
اجتمعنا بلاعتاب وافترقنا بلا عتاب