إنــتي أسـبـاب البطـالـه.. والجريـمـه.. والـديـون
وكثـرة اعـداد العـوانـس فــي بلـدْنـا .. والـهـوان

وانتشـار الخمـر.. والـسـمّ المـخـدر.. والمـجـون
وانهيار السوق .. والإرهـاب .. والله المستعـان

إنـت لـولاك إنـت ماكـان امتـلـت كــل السـجـون
دامــك اسـبـاب المشـاكـل وامتـحـانـك إمـتـحـان

الخـلايـق طايـحـيـن فبعـضـهـم ذبـــح وطـعــون
وكل مـن كانـوا اخـوان الحيـن مـا عدْهـم اخـوان

يـامـفـرّق فـــي عــلاقــات الأهــالــي والـبـنــون
كل هذا إنت تدري ليه صار ؟؟ ومـن عشـان؟؟

صـار باسبابـك عشانـك مـوت وفتـونـك فـتـون
تقـدّر تـسـوّي بقـلـوب الـنـاس حـفـل ومهـرجـان

شوف لامن جيـت تمشـي فـي شوارعهـم بهـون
خـلـق تتـحـاذف علـيـك مــن الحـلـى والهيـلـمـان

واجـهــزة أمـــن الـبـلـد مستـنـفـره بالـمـكـرفـون
"أخلـوا الشـارع عشـان يمـرّ عـود الخـيـزران"

وانـــت مـــا تـرتــاح إلاّ لا لـبـسـت البـنـطـلـون
لجـل تسـمـع عــن طــلاق فـلانـه ومقـتـل فــلان

يـا امبراطـور الحِسـان البيـض كــان الله بـعـون
كـل مـن عـاش بزمانـك يـا امبراطـور الحِسـان

الحـلـى لــو كــان جنـسـيّـه .. فـخـلـق الله بـــدون
وانـت وحـدك تحمـل الجنسيّـه.. وخذًهـا ضمـان

لـو تـروح ل"تركيـا" أرض الطبيعـه والـزيـون
صاحوا من شوفـة حـلاك "أمـان ياربـي أمـان"