قلبي معك لو شفت جـسمي مع الناس **
مـاغـاب طـيفك عن خـيالي دقيقـه
ودعـتك اللي ما خـلق مثلك اجناس **
حـيل الله اقوى لو دموعي غريقـه
والله ما ارخـصتك ولا طـعـت جـلاس **
بـس النصـيب يصـيب هذي الحقيقـه
اظـلم سماي وحـال من دونك الياس **
وتحـسـرجت عـبرات قـلبي بـضيقـه
هـمي عـقب فـرقـاك ماهـو بينقاس **
وجـروح قـلبي يـا طـبيبه عميقـه
اجلس بوسط الناس واسرح بالهوجاس **
ما بـيـدي حـيلـه ولا لي طـريقـه
حـبك بوسـط القلب مبنـي على ساس **
عنك العزى يا روح روحي ما اطيقه

منا الوفى يا وفي الروح يتعلــــم
كل التعابير تبحر من شواطينــــا


وأن كان جدت جدايد حبنا أقــدم
لا عاش رأس على الدنيا يبكينـــا