مرت سنه وشهور وشوية أيام
على غياب اللي حلاها شمالي

كم قلت في نفسي قبل عيني تنام
يارب جبها عند ما أصحى قبالي

تعبت ادور بين حزني والالام
عن صبري اللي ما بقى منه تالي

يابنت خليت السوالف للأقلام
يكفيك لا عز الكلام انفعالي

من صارت الدنيا حسابات وأرقام
وانا عجزت استوعب اللي جرالي

ضحيت بالواقع على شان الأحلام
وضحيت بالغالي على شان غالي

حتى الغرام اللى كسر قلبي العام
ماني بحاله كان ماهو بحالي

ما ينحسب عمر البنادم بالأعوام
بعض السنين نعيش فيها ليالي

وجه التشابه بين قلبك والأيام
القلب خالي والليالي خوالي