يفداك من شافك على مرّ الأيام
يا تاج رأسي في ليال الشدايد
إن رحت زارتني هواجيس وأوهام
وإن جيت راح الهم عنَّيْ بدايد
وإن زرتني بالطيف ولا بالأحلام
كتبت فيك أجمل حروف وقصايد
في حرب حب عيونك السود من عام
ما عاد للغالين قبلك شرايد
فيك أنت قلب منك يا صاحبي هام
لأجل الغلا ياطأ على كلّ كايد
ولا يبيع الشوق لعيون من سام
من غير حبّك ما يريد الفوايد
حبٍ عظيمٍ بالغلا يلزم إلزام
الخافق اللَّي بالهوى له عوايد
إهدْ المنام لعاشقٍ ما بعد نام
رؤوس الأصابع له فراش ووسايد

منا الوفى يا وفي الروح يتعلــــم
كل التعابير تبحر من شواطينــــا


وأن كان جدت جدايد حبنا أقــدم
لا عاش رأس على الدنيا يبكينـــا