07-31-2022, 02:51 PM
|
#4
|
|
بيانات اضافيه [
+
]
|
|
رقم العضوية : 1886
|
|
تاريخ التسجيل : 14-02-2021
|
|
أخر زيارة : اليوم (09:16 AM)
|
|
المشاركات :
30,856 [
+
] |
|
التقييم : 8139
|
|
الدولهـ
|
|
الجنس ~
|
|
Awards Showcase
|
|
|
لوني المفضل : Cadetblue
|
|
 قصة اللبلاب
اني اسمي نبات اللبلاب ويدلعوني “البوتس"
اني محبوبة الملايين  وعندي شعبية كبيرة  وين ما اكون الفت الانظار  اوراقي الوانها مختلفة منها الاخضر او الاخضر والابيض او المبرقشة على الاصفر
سبب شهرتي يظهر من شكلي المختلف عن باقي النباتات  وبالسنادين المعلقة تتدلى فروعي بأوراقها الجميلة او تتسلق لتملأ المكان طاقة ايجابية...
التربة :
احب تربة خفيفة وسهلة التصريف من البيتموس والبيرلايت  لضمان تهوية جذوري وعدم تقطعها من تنقلوني الى سندانة اخرى.
الري :
مطلعين علية اشاعة  اني احب المي بكثرة  والحقيقة لازم يكون باعتدال 
صحيح اني نبات نصف مائي يعني ممكن تبقى جذوري بالماء لسنوات طويلة ماعليها شي اذا كانت الاجواء ملائمة
بس من انزرع بالتربة لازم تعاملوني غير معاملة يعني من تنجمع التربة وية المي الزايد راح تعفن جذوري 
من تشوفون اطراف اوراقي تيبس يعني جاي اشكيلكم  اني مامرتاحة  يعني ماكو تنظيم بالسقي الي اني اريدة  مو الي انتو تفرضو علية  والتربة داخل السندانة ماجاي تيبس وباقية رطبة 
من تصوفر اوراقي بشكل مستمر  يعني  من هنا بدأت معاناتي  وضاقت انفاسي  وتعفنت جذوري يعني ماكو تصريف للماء بشكل صحيح وماكو تهوية للجذور 
احب الرش على التربة بدل الغمر بالماء خصوصا اذا خليتوني بالسنادين كبيرة الحجم ، لوتعرفون شگد يرادلهة فترة وتيبس ؟؟؟ لبكيتم على حالي  وجفاف سطح تربتي لايعني جفاف سندانتي بالكامل
الاضاءة :
من تبدي اوراقي يميل لونهة للاصفر يعني احتاج اضاءة قوية بدون شمس  وفي الشتاء احب اشمس 
التسميد:
افضل غذاء اسقوني من مي سمك الزينة  يحتوي على نايتروجين عالي تخلي اوراقي نظرة وجذابة 
او الاسمدة الطبيعية
او سماد npk ربع ملعقة  شاي او اقل بكميات محدودة مع لتر مي بالشهر مرة وحدة
درجة الحرارة :
خلوني بمكان تكون درجة الحرارة معتدلة
الذبول :
من اذبل
يعني المكان حار او تيار هوائي مفاجئ
او اختنقت جذوري بسبب كثرة المي
او بسبب العطش وهذا قليل الحدوث 
انقاذي من الذبول : احتاج شوية برودة اني هم اريد مبردة  مو بس انتو بدون تيار مباشر وبنفس الوقت خلو السندانة داخل صحن بي مي واحجار ورش الاوراق بالماء حتى يتكون جو رطب
وازالة الاوراق الصفراء عني وممكن تقصون بعض اغصاني وتجذروهة حتى يخف الحمل عني  ولاتغيرون مكاني بشكل مستمر واحب ابقى بمكان واحد اتأقلم بي  مع اضاءة طبيعية قرب النافذة
وفي الحالات المتقدمة قص جذوري المتعفنة ورشها بمبيد فطري وزراعتي بتربة جديدة مع اضاءة قوية
التكاثر :
ممكن اتكاثر بالتفصيص من الجذور او قطع من اغصاني ووضعها في الماء
تهوية التربة
|
|
|
|