منتديات سكون القمر - عرض مشاركة واحدة

Awards Showcase · 04-10-2023, 04:47 AM

تارتولات الموز.
المقادير:
2كيسان و نص فرينة مغربل (مايعادل 300غ)
2 معالق كبار سكر قلاصي (مايعادل 40غ)
3 معالق كبار مارغرين (مايعادل 150غ) صفار بيضة
2 معالق كبار ماء
فانيليا
الكريمة اللذيذة:
بيضة
2 كأس حليب (نصف لتر)
5مغارف كبار سكر
4 مغارف نشاء ممسوحين
مغرفة فانيلا
ملعقة زبدة صغيرة
مبشور حبة ليمون
عصير نصف حبة ليمون
عطر الموز (مش إجباري)
كاس إلا ربع کریم شونتي
نص كاس حليب بااااارد
التزين:
قطع الموز
ناباج أو لاجولي
الطريقة:
نخلط الفرينة و السكر قلاصي و نضيفولهم المارغرين تكون مقطعة (باش تسهل لكم العملية) ندخلو المارغرين مع الدقيق حتى تتجانس فيها جيدا و نضيفو صفار بيضة و فانيليا و الماء و نخلط جيدااا و نلم حتى تولي عندنا عجينة طرية و متجااانسة جيدا
نخدم بيها مباشرة) مانبعد على سطح العمل نحلها بواسطة حلال متوسطة و نحطها في المول تاعنا نعدلها جيدا عليه و نثقبها جيدا و ندخلها في فرن يكون سخون مسبقا على درجة حرارة 200 نخليها تأخذ اللون الذهبي من التحت و من الفوق كي طيب نخليها تبرد جيدا و نحط الكريمة و نزينها بالموز کي نكمل ندهنها من الفوق بالناباج.
طريقة تحضير الكريمة:
أولا في كسرونة نحط البيضة و السكر و نخلط جيدا من بعد نزيد الحليب و النشا و نخلط بارد في بارد منةبعد نحطهم فوق النار مع التحريك المستمر حتى تعقد ونطفي عليها النار و نزيدلها ملعقة زبدة والفانيلا و مبشور الليمون و عصير الحامض و نخلط جيدا حتى تذوب الزبدة و تتجانس و نفرغها في (صحن) و نغطيها ب (بابي فيلم) لازم الورق يلامس الكريمة و ندخلها للثلاجة حوالي الساعة تبرد جيدا لازم من نبعد نجيب لاکریم شونتي لي كونا طلعناها مع الحليب جيدا و نبداو نزيدولها في الكريمة تاعنا و نخلط حتى تتجانس.
بالنسبة لي بغات تعمل ناباج منزلي ها هي ا الوصفة.
المكونات:
250 غرام سكر خشن
500 مل من الماء
ملعقة كبيرة نشا
ملعقة صغيرة عصير ليمونة
کیس سكر فانيلا
الطريقة:
في كسرول نضع كل المكونات و نحرك جيدا ثم نضعها فوق النار حتى تغلي الاستمرار في التحريك ، بعدما تغلي وتطلع رغوة نتركها خمس دقائق و نزيلها من فوق النار ونتركها تبرد.