تكفى اعلنها صريحه قل أبيك أو ما أبيك..


تكفى اعلنها صريحه قل أبيك أو ما أبيك
الصراحة بالمحبه [عادي] ما فيها [زعل]!

أنتظر بلهفه جوابك وكل مابي يحتريك
لا [ تعلقني ] فديتك ماني قادر أحتمل

وكل عرقاً بي يحبك ..وكل مابي ينتميك
مدري حبي لك طبيعي والاعامل لي عمل

والا وش معناها اني انجرح منك واجيك!
وليه أحبك في جنون وأنت قاتلني قتل؟؟

شفني لعيونك حضرت كل حياتي في يديك
مدري حسيت بحضوري والا كل هذا ثقل!


قلبي اللي [ ملكته ] رافضاً هذا ذاك
عمره ما فكر بثاني ولا عن غيرك سأل

رافض الفكرة [ بتاتاً ] ما يساوم مّره فيك
ما يزاحم حبه ثاني و لو ظهرغيره أفل

أن جرحته ابتسم لك ولو تبيعه يشتريك
هو جنون الحب هذا أو كذا سلوم الغزل

لعنبو دارك [ تعبت] ذبحتني الله يهديك
لا أنت راضي تبين وش أسوي لك أجل

لوتبي عيوني أعتبرهامن هاللحظة تجيك
مهما كان اللي تبيه ومهما بسبابه حصل

حط في بالك حبيبي كلي ما أغلى عليك
مهما تجرحني تاكد كلها عندي عسل

الغريبه اني اسكت لو تجي عيني بعينيك
المشاعرفي جنابك ضاعت بلحظة خجل

ماقدر ينطق لساني ماجمع حرفين بيك
وانا ياما في غيابك قلت في وصفك جمل

طال صمتك وصمتي قلت[ياويلي عليك]
في عيوني لك كلام وفي حطامي لك أمل

حتى لو طوّل برودك أنا صابرواحتريك
مستحيل احب غيرك لو يسموني خبل !!

تكفي أعلنها صريحة قل أبيك اوما أبيك
لا تعلقني فديتك .. ماني قادر أحتمل!!