غريزة المرأة وحدسها كل مرة ... تروح وتبعد ... كل مرة ... أستناك ... عارف أنك ... مش هتبعد ... خطوتين ... والتالتة ألقاك ... عارف أنك ... زي ماانت ... جوا مني ... أنا جواك ... إلا المره ديه منك ... خفت أيوه ... خفت رضاك ... يغضب مني ... وتنسي إني ... بستناك ... ولهفتي ... سابقة دموعك ... وفرحتي ضماك ... كانت شوفة عيني لعينك ... بتنسيني في لحظة قساك ... بتنسيني إني مت ... ألف مرة ومرة هناك ... والدنيا كلها دفنتني ... ومشيت بجنازتي وراك ... كل مرة تروح وتبعد ... كل مرة أستناك ... كل مرة ... تاخدني مني ... النوبادي ... مين وخداك ... مين قواك ... علي دمع عينيه ... مين قساك ... علي شوقك ليا ... وبدل همسه بجرحك فيا ... آه ياعنيه ... متسبنيش كده زي الريشة ... آطير في هواك ... وأنت فايتني ودمعي كايدني ... وروحي معاك ... خلص روحي ... أكتم نوحي ... وقولها صريحة ... بترجاك ... راجع ولا ... مني خادوك ... وأرتحت هناك ... متقولهاش ... قلبي حاسسها ... وروحي شيفاك ... فتحي عيسي