ألُوْه).. صَوْتِكْ بِعِيْد وْخَطِّكْ يْقَطِّعْ

وِاذَا انْفِصَلْ فاشِلْ الإِرْسَالْ مِنْ عِنْدِكْ


الصَّدِرْ ضَايِقْ وْرَاسِيْ مِنْك مِتْصَدِّعْ

وِيْشِدِّنِيْ شَيّ عِمْرِهْ َمَا بَعَدْ شَدِّكْ


أشْتَاقْ لِكْ وِانْت لاَ تَرْوِيْ وْلاَ تَشْبِعْ..!!

حَدَّيْتِنِيْ يَعْل مَا لَوَّعْنِيْ يْحِدِّكْ


صَاحِبْك مِ الْمَيْل وِالْهَفْوَاتْ مِتْرَفِّعْ

لَوْ صَارْ مَا صَارْ مَا يَرْخِصْك وِيْهِدِّكْ


لا تْقُوْل وَيْن انْت؟.. وِانْت هْنِيْه مِتْرَبِّعْ

مَا فِيْنِيْ إلاَّ غَلاكْ وْشَوْقِكْ وْوِدِّكْ


كَلامِكْ اللَّى يِضَيِّعنِيْ وْلا اجَمِّعْ

أحِبّ مَزْحِكْ وَاخَافْ آطِيْح فِيْ جِدِّكْ


يَا رَقْم يِحْسَبْ وْلا يِطْرَحْ وْلا يِجْمَعْ

غَيِّرْ وْبَدِّلْ عَلَى كَيْفِكْ وْمَا بَدِّكْ


مْمَيِّزِكْ خَالِقِكْ وِمْكَوِّنِكْ مِبْدِعْ

مَا يِرْدَعِك شَيّ غَيْر رْضَاكْ وِيْرِدِّكْ


لَوْ الصِّدَفْ يَا عِدِيْل الرُّوْح تِسْتَرْجَعْ

أسْتَرْجِعِكْ لِلِّيَالِيْ الْبِيْض وَآمِدِّكْ


وَآقُوْل هذا هِوَايْ وْجَوِّيْ الْمِمْتِعْ

وْ لانِيْ مْوَصِّيْك فِيْ بِسْتَانِكْ وْ وَرْدِكْ