لك وحشة : ماهي لغيرك من الناس
أنت : اللي بس أقدر أسميك غالي
انت الغلا والشوق كله والاحساس
وانت الجواب لغايتي ياسؤالي
انت الذهب وانت الفرح وانت الالماس
وانت الوحيد اللي بقلبه صفالي
اشتاق لك مع كل نسمه ونسناس
وأتووق لك لاحن غصن ومالي
وأتلهفك لاجيت بالقلب عساس
وأزدان عشبك بالضلووع الخوالي
من قبل احبك وانت طيبه ونوماس
واليوم كلك : صرت لي راس مالي
حبي لكم ماله معايير وقياس
وغديركم عندي : قراح زلالي
ماهو بحب أقلام تكتب بقرطاس
ولاحب قدره مرتبط بالريالي
حب : بنيته ياحبيبي على ساس
يحيط بك : لاهب برد الشمالي
مالك بهالدنيا مماثيل واجناس
ولالك على قلبي شريك بحلالي
ياغايتي : والشوق بي مثل الامواس
يقدبي بين الرجاء والوصالي
إما تجيني : وانت قدرك على الراس
والا اجيك بلهفتي واشتعالي !!