إنجرح صوتي .. وانا انادي عليه !
" ولا سمع "
والوجع .. بان فـ عيوني ..
وامتلى شعري ، بـ شجوني !
" ولا رجع "
مو كثير اللي يبوني !
" يشتروني "
مع كثير هموم / دوني ، تجتمع !
بس .. ذاك !
كان دايم يبتسم ، لي
ينتصف لي / من ظروفي
يعترف لي بـ إن .. خوفي مو هلاك !
يكفي اكثر ما تعلّق .. في شفاهه
( دنيتي والله / فداك ) !
كنت احبه ..
وارتجي بـ الحيل / قربه ..
كنت اشوفه .. في ضماي ، أمطار عذبه
شف !
رحل ..
وشّح بي .. غيم الوصل !
من غيابه .. ذا حصاد كفوفي الجدبا تشوفه !
في يميني : لا حياه
وفي يساري : لا أمل !
آه منّه ..
وآه منّي ..
وآه من حظ يخيّب دوم .. ظني !
خلني ياصاحبي ..
ياصاحبي ..
خلّني ..
لا تقول : الحب وينه !
لو سمحت ..
ما بقى فيني ، مشاعر ..
وإنكسر بي .. قلب شاعر !
وإنت خابر !
من عرفته .. لا أسترحت / ولا فرحت !
ما بقى في صوتي إلمجروح ..
الا آآآآآآآآآآآآها منك
كيف بس بي تخون ؟؟؟