يا جرح قلبي ...


يا جرح قلبي كل مــا جا طاريه

سود الليالي والحال ينعق غرابه

وياسين جـــرح الهوى من يداويـــه

لصار بالجوف والقلب ابتلـــى بــه

العمر برهة زمن والليالي تجافيه

وانـــا بعتيم الليل اقاسي عذابــه

جيت المكان اللي صافحتها فيــه

ما غير اثرنا مــا حسبنا حسابـــه

خطّيت رسم الهوى حين اسليه

براس البنان فوق الصخر وترابه

وهذي حروف الوجد فيها معانيه

طوتها الشمس من صفحة كتابه

سجّيت يـــم البحر قصدي اناجيـه

عند الغروب والموج عطني الكآبه

جانـــي هبوب الريــح وسمّها فيه

وهزني المرعد من هاك السحابه

ذرفت دمعي والدمع للشوف يطفيه

وزل القدم عــن دربا مــا اهتدا به

عزاه يـــا قلب العنى كثرة تعازيه

وش حالة المشتاق محدن درابه

الحب بين الناس هذي مساريه

حبا يطيل العمر وحبا لا تهقابــه


بقلمي / قلم الفكر
11/5/2023