منتديات سكون القمر - عرض مشاركة واحدة - جميعا لنحتفي بتربع صاحبة الفخامة سامحك ربي على كرسي الاعتراف...

06-21-2019, 03:30 AM

1- كيف وصلتي الى سكون القمر ؟

ما قصر العم قوقل ههههه
بحثت عن منتديات ومن ضمنهم سكون القمر

2- ما الذي أعجبك بمنتدانا سكون ؟

كل شي حبيته واعجبني هنا

3- هل أنتي مرتاحة معنا ؟

اكيد لو مو مرتاحه ما كان جلست

4-ماهو القسم الذي تلاحظين أنه يجب أن يضاف للاقسام ؟

والله بصراحه للحين ما شفت اذا فيه قسم لازم ينضاف

5- ماهي أصعب المواقف اللي مرت بها سامحك ربي ؟

اصعب موقف هو يوم وفاه عمي كنت توني نازله من فوق واختي الصغيره
جايه من قسم جدتي تصيح ومو اي صياح صياح يدل ان فيه مصيبه
هي متجهه لقسمنا وقفتها بسرعه اقول تكلمي وش فيه
هي منهاره تماما قالت لي عمي فلان مات واعياله وزوجته بالمستشفى وحالتهم خطره
انا هنا جمدت مسكت اختي دخلتها وحده من الغرف ورحت لاهلي كانوا مجتمعين
من قوة الصدمه انا مابكيت ولانزلت دمعتي ولا انهرت واجلس شوي عندهم
ثم قمت وناديت اختي الكبيره ابيها تبلغهم انا ماقدرت يوم بلغتها اختي الكبيره انهارت
ع دخلت ابوي الي كان حالته سيئه جدا ويمسك اختي معي الا اخواني وخواتي وامي
جوا يركضون يقولون وش فيه محد جاوب اضطريت اني اتكلم وقلت لهم
هنا انا تلاشت كل قواي وانهرت الجمود والتبلد الي صابني كله تلاشى يوم اهلى كلهم عرفوا الخبر هذا الصدمه اللي يارب محد يعيشها ولا يوريكم اي مكروه بحبابكم

6- هل انتي من النوع الذي يعشق المغامرة ؟...

اووه اعشق المغامرات ومايردني اكثر شي الا حلف امي علي هههههه

7- ما سـبـب تـسـمـيـتـك لـعـضـويـتـك بـهـذا الاسـم ؟..

لشخص اتهمني بشي ماهو فيني وتكلم فيني بسوء مع انه يدري ان انا مو كذا
بسبب خلاف بسيط عشان هالشخص ماقدرت ما اسامحه بس مستحيل يرحع
كل شي مثل قبل

8- ما هي المعايير التي تبني عليها علاقاتك بالآخرين ؟..

الاحترام والصدق
وعدم الاستهزاء بالاخرين وتنقيص من شانهم
هذولا اهم شي عندي لان انا كذا مع الكل

9-ما تعليقك حول الشخصية الحسودة والمريضة نفسيا
والتي تكره كل المحيطين بها ؟..

ادعي ان ربي يشفيهم ويعافيهم ويرفع عنا ولا يبلانا
ماراح تقدر تعيش مع المجتمع بسلام راح تتعب من جوا
حلو الشخص الي يحب للغير مايحبه لنفسه ليش نحسد ليش مانتمنى لهم الخير
ربي بيعطيك على قد نيتك بس لاتحسد الناس
ربي كريم وبيرزقك

10 - حمامة زاجل استقرت على نافذتك تحمل رسالة من مجهوول
من تتمنين أن تكون ؟..

من شخص ارتبط اسمي باسمه

ربي يسعدك ي حلوة المبسم
اسئله جميله مثلك
بنتظار عودتك واسئله الجميع

لك حبي