وأظل هنااك , أقراني مواجع وأرتبك وانساك !!

,




على الهامش !..
( أحَدْ ) ( إثنين )
مو يومين , ولا شخصين ..
ولكن كان وحداني ..
أحَد واحد .. وحزنه ( اثنين )
فراقك لا ( يجي هالحين )
فراقك .. لااااا .. لا ( تكفين )
أحَدْ بعدك :
تناسى نصّه الثاني ..!
وفقد بكرا .. وفقد ( بعدين )
وفقد ذاته .. وغاياته ..!!


على الهامش ..
( أحَد ) عايش ..
و( أحَدْ ) مايدري هو عايش ( او انه مات )
ولكن .. يدري من بدري انه على الهامش !..
على الـ هاااا .. ( مِش )
اسولف لي ..
وأتملّل ,
وأتذكّر ,
وأتسلّل ,
وأتكدّر ..
واسولف لك ..
ولعيونك ..
وابوسك .. من هنا لـ ( الرمش )
شفاتك ( طعمها ) مشمش ..
وانا .. من طلّتك زاوي ..
وأتراعش ..!
على الهامش ..
ولا تدرين ..




سكت كلّي ..
رضيت .. أو مارضى ظلّي ..
ركضت .. وطحت .. ع الهامش ..!!
فقدت اليوم ..
فقدت الشمس ..
فقدت الغيم ..
فقدت الهمس ..
وانا بعدي أدوّرني ( على الهامش )




على الهااا ( مش )
حياة انسان من بعدك ..
تنفّس في غيابك تيه ..
دموعه دم .. ونومه ( همّ )
ويشرب ( سِم )
سبب بُعدك !
ولكنّه ..
يفكّر دوم في وعدك :
( بـ جي هالحين )




( سئمت ) البعد واوقاته ,,
سئمت الآن والـ بعدين ..
سئمت الفقد .. واسبابه ,,
و( بُكرا ) لو بعد ماجيت ..

فقدت الرغبة بغيابك ..
وضحكي صار ليّا دين !..
فقدت اشيائي الحلوه ..
حتّى تكلمة هـ ( البيت )

على فكره ..!!
أحبّك حيييل ( مِـ الهامش )
إلى الهامش ..!!


,