قــــولـــــو للغــــــــالي قـــــولــــــو لـــــــــــــــه

يالله لا تقطع رجاء عبدك من العلم اليقين
في خليل (ن) ماقطع وصله ولا عني سلا
ذاك لامني طريته طاح قلبي في اليدين
وفزت عروقي تصوت مرحبا ألف وهلا

كل ماضاقت لقيته يلوي أذراع السنين
همه أرتاح وماأحاتي هذا من زود الغلا

البلا لاقال أحبك سلهمت عينه حنين
البلا سلهام عينه هذا هو ساس البلا
من يلوم العين من هو لاغبرت عن كل زين
من يشوف أوصاف خلي يدري وش معنى الحلا

لاقسى وقتي لقيته من طرف صبعه يلين
ياعسى ماذوق حزنه لاعدام منه وخلا