ديوااان الشاعر ســــــلطان زمـــانه

مـن علّمك يا ورد تقسى على الماي
مــن عـلـّم زهـورك تخون السحابه


كنت احـسبك تشفي لي جـروح دنياي
أثـرك غـديت همـوم قـلـبي وعذابه


ما أحـسب إن الورد ناكـر ونسّاي
ينسى السحاب اللي سكر من شرابه


يا ورد عمر الغدر ما هـز مبداي
دربي سمـا وحــروف شـعـري ربابه


أضـحـك وأخـفي عـن عذوليني بكاي
والـقـلـب ينزف بس محد(ن) درابه


جـيتك تـسـابق روحـي وقلبي خطاي
ورجـعـت تالي الـدّرب كـومة كآبه


مـدّيت لك في شــدّة الـضـيم يمناي
يمــنى تـربّت بين عـــز ومــهـابه


واخـترت في عـينيك ســجـني ومنفاي
وابدعـت فـيهم وجـد شعر وصبابه


ظـنيت ترســم درب الاحــلام ويّاي
ظـنيت عـمـري الجـاي فرح ورحابه


هـوّه بقى يا صاحبي في العمر جاي؟
بعـدك رحـل كل فرح عمري وشبابه


انا نديم الليل او دمـعـة الناي
واحــد تبدّد مـا بقى الا سـرابه


اخـطـيت يا ورده والانسـان خطّاي
وقـلبي تعلّم مـ الخـطا وصـك بابه




...



..

.