حاولت أخبّي دمعتي بس الجفا مو محترم !

آلمدخلِ




ياحزني ويا متعتي
. . . أنا بدونك من عدم
لو كنت ابطفي شمعتي
. . . ما عندي فـ بُعدك نسم
هذا انا في رجعتي
. . . زادي : مكاتيب وقلم
حاولت اخبّي دمعتي
. . . بس : الجفا مو محترم !

آلنصَ :

الحزين اللي طموحه يتصل بـك ..
لا تضيق إن كان دق دقــّه وسكــّر ..

لا أسألو عنه بعد ما شح قـلبك ..
وش يسوي ؟ جاوبو : قاعد يفـكر !

إيه أفـكر .. وين تفكيرك وصل بـك ؟
ما استحى من كثر ما أخطيت وتشكـــّر ؟

قلت له : [بنساك ].. وبـ فكره رحل بـك ..
خـايف ومرتاب دونك / ومتعكـــّر ..

وقال : أبنسى حبك ووصلك .. وصلبك ..
وجت فـ باله كلمة [ انساك ] وتذكــّر ..

كنت وافي يوم إذا وقـتك فعل بك ..
لو تذوق المر / صار المر سكـــّر !

يوم كنت أزعلــْـك .. واشوف الزعل بـك ..
وإن سريت إقول : مو كنـه مبـكــّر ؟ ..

وش حصل فيني بـعدك .. ووش حصل بـك ؟
وش حصل حتى ضيـا الوقت يتنـكــّر ؟

ودي إني كل لحظه إتصل بـك ..
بس أقول إنك [ على بالي ] وأسـكــّر ..

مَخرجِ

لآ مزيد ولآ جديد !
إلا إني أسولف مع الأخ / إنتظارك
.. عند دارك !
... على جلد كرسيْ إنتظارك
أجلس أنا و إنتظارك فَ [ إنتظارك ] !