كذبت لك كذبـه وصدّقـت كِذبَتـك

{كذبت لك كذبـه وصدّقـت كِذبَتـك
وبنيت لك في كذبتك كـم مشـروع }


{ماتدري أني عارفٍ ويـش لعبتـك
وأني أعرف أنك مخادع ومخـدوع}

{من عقب كذبك ضاعت اليوم هيبتك
و قدرك نزل من عقب ماكان مرفوع }

{أغواك شيطانك على نفـس حبّتـك
ومشيـت دربٍ للمحبيـن ممنـوع }

{ماعاد يمديك العذر عفـت طلبتـك
قلبي سمح والدين مقضي ومدفـوع }

{من فعل يدّك بانت اليـوم خيبتـك
وشريط كذبك للعرب صار مسموع }

{تلعب على الحبلين وتخون صحبتك
أنهيت حبٍ بيننـا كـان مـزروع }

{أن كان نفسك في خطايـاك ربّتـك
أبشر ترى حبل الوصل عنك مقطوع }

{طويت صحفت حبّنا عقب غيبتـك
وثوب الغلا عن مثل شرواك منزوع }

{ولاتحسب أني بسهر الليل سبّتـك
وإلا بهل الدمع عاشـق ومفجـوع }

{لا والـذي بيّـن خفايـا مصيبتـك
أنه فلا يطري علي حـب مبيـوع }

رآقت لي